ஒரே குடும்பத்தைச் சேர்ந்த 7 பேர் தற்கொலை; வீட்டைப் பறித்த வங்கிதான் காரணமா? விசாரணையில் பகீர் தகவல்

ஹரியானா மாநிலம் பஞ்ச்குலாவில் இன்று ஒரே குடும்பத்தைச் சேர்ந்த 6 பேர் காரில் தற்கொலை செய்து கொண்டனர்.

காரில் உயிரோடு இருந்த நபரும் பின்னர் சிகிச்சை பலனளிக்காமல் இறந்து போனார். ஒரே நேரத்தில் 7 பேர் தற்கொலை செய்திருந்தனர்.

இறந்தது பிரவின் மித்தல் என்பவரது குடும்பம் என்று தெரிய வந்துள்ளது. அவர்கள் தற்கொலைக்கு முன்பு எழுதி வைத்திருந்த கடிதம் மற்றும் அவர்களின் உறவினர்களிடம் விசாரித்தபோது தற்கொலைக்கான காரணம் குறித்துத் தெரிய வந்துள்ளது.

பிரவின் எழுதி வைத்திருந்த கடிதத்தில் தனது உறவினர் சந்தீப் அகர்வால் தங்களது இறுதிச்சடங்கைச் செய்யவேண்டும் என்று குறிப்பிட்டு இருந்தார்.

அதோடு சந்தீப் அகர்வாலிடம் கடந்த 5 நாட்களுக்கு முன்புதான் பிரவின் மித்தல் போனில் தொடர்பு கொண்டு பேசினார்.

போலீஸாரின் விசாரணையில், இமாச்சல் பிரதேசத்தில் கடந்த சில ஆண்டுகளுக்கு முன்பு பழைய இரும்பு தொழிற்சாலை ஒன்றை பிரவின் தொடங்கினார்.

ஆனால் அந்த தொழிற்சாலையைக் கடன் கொடுத்திருந்த வங்கிகள் பிடுங்கிக்கொண்டன.

இதனையடுத்து டெக்ராடூன் புறப்பட்டுச் சென்றார். சில ஆண்டுகள் குடும்பத்தோடு தொடர்பு இல்லாமலும் இருந்தார். இந்த காலகட்டத்தில் அவரது கடன் 20 கோடியாக அதிகரித்தது.

இதனால் அங்கிருந்து பஞ்சாப் மற்றும் ஹரியானாவிற்குச் சென்றார். கடந்த ஒரு மாதத்திற்கு முன்பு பிரவின் பஞ்ச்குலாவில் உள்ள தனது மாமனார் வீட்டில் தங்கி இருந்து டாக்சி ஓட்டினார்.

அங்கேயும் அவரது இரண்டு வீடு மற்றும் அவரது வாகனத்தையும் வங்கிகள் பறித்துக்கொண்டன.

எனவேதான் பிரவின் தனது குடும்பத்தோடு ஆன்மீக நிகழ்ச்சி ஒன்றில் கலந்து கொண்டுவிட்டு டெக்ராடூனுக்குத் திரும்பிச் செல்லும்போது காரிலேயே அனைவரும் விஷத்தைக் குடித்து தற்கொலை செய்து கொண்டுள்ளனர் என்று போலீஸாரின் விசாரணையில் தெரிய வந்துள்ளது.

அவர்களது கார் பஞ்ச்குலாவின் நேற்று நள்ளிரவு தனியாக நின்றது. அதனைப் பார்த்த உள்ளூர்வாசி காருக்கு வெளியில் ஒருவர் மட்டும் நின்று கொண்டிருப்பதைப் பார்த்து விசாரித்தார். விசாரணையைத் தொடர்ந்து காரை சோதனை செய்து பார்த்தபோதுதான் உள்ளே 6 பேர் இறந்து கிடந்தது தெரிய வந்தது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb