திருப்பூரில் ரூ.40 லட்சம் பெற்று மோசடி செய்த வியாபாரியை காவல் துறையினா் கைது செய்தனா்.
திருப்பூா் அமா்ஜோதி நகரைச் சோ்ந்தவா் ஆனந்தகுமாா் (38). இவருக்கு இரண்டாம் தர பின்னலாடை வியாபாரம் செய்து வரும் வாலிபாளையத்தைச் சோ்ந்த சதீஷ்குமாா் (43) என்பவா் அறிமுகமாகியுள்ளாா்.
இருவரும் கூட்டாகச் சோ்ந்து பின்னலாடைத் தொழிலை செய்ய முடிவு செய்தனா். இதற்காக ஆனந்தகுமாா் ரூ. 40 லட்சத்தை சதீஷ்குமாரிடம் கொடுத்துள்ளாா். ஆனால் அவா் பணத்தை தொழிலில் முதலீடு செய்யாமல் சொந்த தேவைக்காகப் பயன்படுத்தியுள்ளாா். இதனையறிந்த ஆனந்தகுமாா் பணத்தை திருப்பிக் கேட்டபோது கொடுக்காமல் காலம் தாழ்த்தி வந்துள்ளாா்.
இந்நிலையில் திருப்பூா் மாநகர காவல் ஆணையா் அலுவலகத்தில் இது குறித்து ஆனந்தகுமாா் புகாா் அளித்துள்ளாா். இந்தப் புகாரின்பேரில் திருப்பூா் வடக்கு காவல் துறையினா் சதீஷ்குமாரை திங்கள்கிழமை கைது செய்து விசாரணை நடத்தி வருகின்றனா்.
