திருநெல்வேலி மாவட்டம் கூடங்குளம் அருகே கல்குவாரி நீரில் மூழ்கி கல்லூரி மாணவா் உயிரிழந்தாா்.
கூடங்குளம் மாதா கோயில் தெருவைச் சோ்ந்தவா் சுதாகா். அச்சகம் நடத்திவருகிறாா். இவரது மனைவி பால்செல்வி, கூடங்குளம் ஊராட்சி 8ஆவது வாா்டு உறுப்பினா். இவா்களது மகன் அஸ்வின் (17), திசையன்விளையில் உள்ள தனியாா் பொறியியல் கல்லூரியில் முதலாம் ஆண்டு படித்துவந்தாா். இவா் தனது நண்பா்களுடன் புதன்கிழமை மாலை, கூடங்குளம் அருகே காமனேரி கிராமத்தில் செயல்படாத நிலையில் உள்ள கல்குவாரி குட்டையில் குளிக்கச் சென்றாராம்.
அப்போது, ஆழமான பகுதிக்குச் சென்ற அவா் நீரில் மூழ்கினாா். நண்பா்கள் தேடியும் அவரைக் கண்டுபிடிக்க முடியவில்லை. அவா்கள் அளித்த தகவலின்பேரில், கூடங்குளம் காவல் நிலையத்தில் பால்செல்வி புகாரளித்தாா். ராதாபுரம், வள்ளியூா் தீயணைப்பு நிலைய வீரா்கள் சென்று அஸ்வினைத் தேடும் பணியில் ஈடுபட்டனா்.
இந்நிலையில், வியாழக்கிழமை காலை அஸ்வின் சடலமாக மீட்கப்பட்டாா். சடலத்தை கூறாய்வுக்காக கூடங்குளம் போலீஸாா் நாகா்கோவில் ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பிவைத்தனா்; மேலும், வழக்குப் பதிந்து விசாரித்து வருகின்றனா்.
கூடங்குளம், ராதாபுரம், கும்பிகுளம் பகுதிகளில் செயல்படாத கல்குவாரி குட்டைகளின் நீரில் மூழ்கி உயிரிழக்கும் சம்பவங்கள் அடிக்கடி நடைபெறுவதால், அவற்றை மூடுவதற்கு நடவடிக்கை எடுக்க வேண்டும் என கிராம மக்கள் வலியுறுத்தியுள்ளனா்.
