ஆணவக் கொலைகளைத் தடுக்க தனிச்சட்டம் இயற்ற வலியுறுத்தி சென்னையில் உண்ணாவிரதப் போராட்டம் நடத்த காங்கிரஸ் பட்டியலினப் பிரிவுக்கு அனுமதி வழங்க காவல் ஆணையருக்கு சென்னை உயா்நீதிமன்றம் உத்தரவிட்டுள்ளது.
சென்னை உயா்நீதிமன்றத்தில் காங்கிரஸ் கட்சியின் பட்டியலினப் பிரிவு தலைவா் ரஞ்சன் குமாா் தாக்கல் செய்த மனுவில், தமிழகத்தில் ஆணவக் கொலைகள் அதிகரித்து வருகின்றன. இதனை தடுக்க கடுமையான சட்டம் இயற்ற வலியுறுத்தி உண்ணாவிரதப் போராட்டம் நடத்த முடிவெடுக்கப்பட்டது.
இந்த உண்ணாவிரதப் போராட்டத்தை பெரியாா் நினைவிடம், காமராஜா் நினைவிடம், கருணாநிதி நினைவிடம், காந்தி மண்டபம் அல்லது அம்பேத்கா் மணிமண்டபம் ஆகிய 5 இடங்களில் ஏதேனும் ஒன்றில் புதன்கிழமை உண்ணாவிரதப் போராட்டம் அனுமதி வழங்கக் கோரி சென்னை மாநகர காவல் ஆணையரிடம் மனு அளித்தேன். அந்த மனு மீது இதுவரை எந்த நடவடிக்கையும் எடுக்கவில்லை, என்று மனுவில் கூறியிருந்தாா்.
இந்த வழக்கு நீதிபதி டி.பரத சக்கரவா்த்தி முன் செவ்வாய்க்கிழமை விசாரணைக்கு வந்தது. அப்போது மனுதாரா் தரப்பில் ஆஜரான வழக்குரைஞா் ஆா்.கிருஷ்ணகுமாா், இந்த போராட்டம் காரணமாக பொதுமக்கள் மற்றும் போக்குவரத்துக்கு எந்தவிதமான இடையூறும் ஏற்படாது என்று தெரிவித்தாா்.
அப்போது காவல்துறை தரப்பில், மனுதாரா் அனுமதி கோரியுள்ள இடங்களில் போராட்டங்கள் நடத்த அனுமதி வழங்கப்படுவது இல்லை. எனவே, அவரது கோரிக்கை நிராகரிக்கப்பட்டது. சிவானந்தா சாலை மற்றும் ராஜரத்தினம் விளையாட்டரங்கம் ஆகிய இடங்களில் மட்டுமே இடம் ஒதுக்கப்படும்.
எனவே, மனுதாரா் இதில் ஏதாவது ஒரு இடத்தை தோ்வு செய்தால், உண்ணாவிரதப் போராட்டத்துக்கு அனுமதி வழங்கப்படும், என தெரிவிக்கப்பட்டது. அப்போது மனுதாரா் தரப்பில், ராஜரத்தினம் விளையாட்டரங்கம் அருகே உண்ணாவிரதப் போராட்டம் நடத்த தயாராக இருப்பதாக கூறப்பட்டது.
இதையடுத்து வழக்கை விசாரித்த நீதிபதி, இதுதொடா்பாக மனுதாரா் தரப்பில் அனுமதி கோரி காவல் ஆணையருக்கு புதிதாக மனு அளிக்கவும், அந்த மனுவைப் பரிசீலித்து நிபந்தனைகளுடன் அனுமதி வழங்க வேண்டும் எனவும் நீதிபதி உத்தரவிட்டாா்.
