காா் திருட்டு வழக்கில் கேரளத்தில் கைதான மூவா் ஏடிஎம் கொள்ளையில் தேடப்பட்ட குற்றவாளிகள்: காவல்துறை தகவல்

கிருஷ்ணகிரி அருகே காா் திருட்டு வழக்கில் கேரளத்தில் கைது செய்யப்பட்ட மூவா், ஏடிஎம் கொள்ளையா்கள் என போலீஸாா் தெரிவித்துள்ளனா்.

கிருஷ்ணகிரி அருகே குருபரப்பள்ளியைச் சோ்ந்தவா் கிருஷ்ணன். தனியாா் நிறுவன ஊழியரான இவரது வீட்டின் முன் நிறுத்தப்பட்டிருந்த காரை மா்ம நபா்கள் திங்கள்கிழமை (ஜூலை 14) ஆம் தேதி அதிகாலை திருடிச் சென்றனா்.

இதுகுறித்த புகாரின்பேரில் குருபரப்பள்ளி போலீஸாா் வழக்குப் பதிந்து அந்த பகுதியில் உள்ள கண்காணிப்பு கேமரா பதிவுகளை ஆய்வு செய்தனா். அப்போது, ஒரு சரக்கு பெட்டக லாரியிலிருந்து இறங்கிய மூன்று போ் காரை திருடிச் சென்றது தெரியவந்தது.

மேலும், சரக்கு பெட்டக லாரி கிருஷ்ணகிரி சுங்க வசூல் மையத்தை கடந்து சேலம், கோயம்புத்தூா் வழியாக கேரளத்துக்கு சென்றுக் கொண்டிருப்பதை போலீஸாா் கண்டறிந்தனா். இதுகுறித்து கேரள மாநில போலீஸாருக்கு தகவல் தெரிவித்தனா்.

கேரள மாநிலம், கொச்சின் அருகே உள்ள பனங்காடு காவல் நிலைய போலீஸாா் சரக்கு பெட்டக லாரியை தடுத்து நிறுத்தினா். போலீஸாரை கண்டதும் லாரியிலிருந்து தப்பித்து ஓடியவரை விரட்டி சென்று பிடித்த போலீஸாா், லாரியில் இருந்த மற்ற இருவரையும் காவல் நிலையத்துக்கு அழைத்து சென்று விசாரணை மேற்கொண்டனா்.

அவா்கள் ஹரியாணா மாநிலத்தைச் சோ்ந்த நாசா் அகமத், சாஹித், ராஜஸ்தான் மாநிலத்தை சோ்ந்த சா்குள் என்பது தெரியவந்தது. மேலும், லாரியில் கேஸ் கட்டா்கள், குளிா்சான பெட்டி உள்ளிட்டவைகளையும் மறைத்து வைத்திருந்தது தெரியவந்தது.

இந்த நிலையில், கிருஷ்ணகிரி மாவட்ட போலீஸாா் பிடிபட்ட மூவரையும் விசாரணைக்கு அழைத்துவர கேரளம் சென்றுள்ளனா்.

இதுகுறித்த போலீஸாா் கூறுகையில், குருபரப்பள்ளி அருகே திருடுபோன காா், காவேரிப்பட்டணம் அருகே மீட்கப்பட்டது. காரை திருடியவா்கள் கிருஷ்ணகிரியில் ஏடிஎம் இயந்திரத்தை உடைத்து கொள்ளை சம்பவத்தில் ஈடுபட முயன்றுள்ளனா். போலீஸாா் தீவிர சோதனை நடத்தியதால் திருடிய காரை காவேரிப்பட்டணம் அருகே நிறுத்திவிட்டு, சரக்கு பெட்டக லாரியில் தப்பி, கேரளம் சென்றனா்.

மேலும், கேரளத்தில் ஏடிஎம் கொள்ளை சம்பவத்தில் அவா்கள் ஈடுபட திட்டமிட்டதும், கிருஷ்ணகிரி மாவட்ட போலீஸாரின் எச்சரிக்கையான நடவடிக்கையால் கேரள மாநிலத்தில் ஏடிஎம் கொள்ளை சம்பவம் தடுத்து நிறுத்தப்பட்டுள்ளது என்றனா்.