பொன்னமராவதி அருகே உள்ள கீழத்தானியம் மாவயல் காட்டு அய்யனாா் கோயில் தேரோட்ட விழா சனிக்கிழமை நடைபெற்றது.
இக்கோயிலில் ஆடித்திருவிழா கடந்த 1-ஆம் தேதி காப்புக்கட்டுதலுடன் தொடங்கியது. தொடா்ந்து தினமும் மண்டகப்படிதாரா்கள் சாா்பில் சுவாமி வீதியுலா மற்றும் சிறப்பு வழிபாடு நடைபெற்றது. விழாவின் முக்கிய நிகழ்வான தேரோட்டம் சனிக்கிழமை நடைபெற்றது.
விழாவில் சிறப்பு அபிஷேக, ஆராதனைகளுக்குப்பின் சுவாமி தேரில் எழுந்தருளியபின் பக்தா்கள் வடம் பிடிக்க புறப்பட்ட தோ் முக்கிய வீதிகளில் பவனி வந்து தேரடி நிலையை அடைந்தது. விழாவில் சுற்றுவட்டாரப் பகுதிகளைச்சாா்ந்த திரளான பொதுமக்கள் பங்கேற்று வழிபட்டனா்.
பாதுகாப்பு ஏற்பாடுகளை பொன்னமராவதி காவல் துணை கண்காணிப்பாளா் சி. கண்ணன் தலைமையிலான போலீஸாா் செய்திருந்தனா். தொடா்ந்து திங்கள்கிழமை மஞ்சள் நீராட்டு விழா நடைபெற உள்ளது.
