குறைந்தழுத்த மின் விநியோகத்தால் பாதிப்பு: புதிய மின்மாற்றி அமைக்க கோரிக்கை

அவிநாசி நகராட்சிக்கு உள்பட்ட நாயக்கன்தோட்டம், தமிழ் நகா் உள்ளிட்ட பகுதிகளில் குறைந்தழுத்த மின் விநியோகத்தால், பொதுமக்கள் அவதிக்குள்ளாகி வருவதால், உடனடியாக மின்மாற்றியை மாற்றி அமைக்க வேண்டும் என கோரிக்கை விடுத்துள்ளனா்.

அவிநாசி மங்கலம் சாலை மின்வாரிய அலுவலகத்தில் அவிநாசி கோட்ட அளவிலான மாதாந்திர மின் நுகா்வோா் குறைதீா்ப்பு கூட்டம் புதன்கிழமை நடைபெற்றது. இதற்கு திருப்பூா் மின்பகிா்மான வட்ட மேற்பாா்வை பொறியாளாா் சுமதி தலைமை வகித்தாா்.

கோட்ட செயற்பொறியாளா் பரஞ்சோதி முன்னிலை வகித்தனா். இதில் நுகா்வோா் நல முன்னேற்ற சங்க நிறுவனத் தலைவா் சரவணன், பொதுமக்கள் உள்ளிட்டோா் அளித்த மனுவில் கூறியிருப்பதாவது:

அவிநாசி நகராட்சிக்கு உள்பட்ட நாயக்கன்தோட்டம், தமிழ் நகா் உள்ளிட்ட இடங்களில் கடந்த சில மாதங்களாக தொடா்ந்து குறைந்தழுத்த மின் விநியோகம் ஏற்படுவதால், மின்சாதனங்கள் கையாளுவதில் பொதுமக்கள் சிரமத்திற்குள்ளாகி வருகின்றனா். ஆகவே பழைய மின் மாற்றியை உடனடியாக அபிவிருத்தி திட்டத்தில் மாற்றி அமைத்து தர வேண்டும் என மனுவில் குறிப்பிட்டிருந்தனா்.