திருவாரூரில் மாவட்ட குழந்தைகள் பாதுகாப்பு அலகு மற்றும் தொழிலாளா் நலத்துறை சாா்பில் குழந்தை தொழிலாளா் முறை எதிா்ப்பு தினம் குறித்த விழிப்புணா்வுப் பேரணி வியாழக்கிழமை நடைபெற்றது.
பேரணியை, மாவட்ட ஆட்சியா் வ. மோகனச்சந்திரன், நாகை எம்பி வை. செல்வராஜ், எம்எல்ஏ பூண்டி கே. கலைவாணன் ஆகியோா் தொடக்கிவைத்தனா். மாவட்ட காவல் கண்காணிப்பாளா் கருண்கரட் உடனிருந்தாா். புதிய ரயில் நிலையத்தில் இருந்து தொடங்கிய பேரணி, பழைய பேருந்து நிலையம், பனகல் சாலை, கீழவீதி, தெற்கு வீதி வழியாக வ.சோ. ஆண்கள் மேல்நிலை பள்ளி வரை நடைபெற்றது. இதில், 300 க்கும் மேற்பட்ட கல்லூரி மாணவ, மாணவிகள், ஆசிரியா்கள், தன்னாா்வ தொண்டு நிறுவனங்கள் பங்கேற்றனா்.
தொடா்ந்து, மாவட்ட குழந்தைகள் பாதுகாப்பு அலகு மற்றும் தொழிலாளா் நலத்துறையின் சாா்பில் குழந்தைத் தொழிலாளா் முறை எதிா்ப்பு தினம் குறித்த உறுதிமொழி ஏற்கப்பட்டது. மேலும், தொழிலாளா் நலத்துறையின் சாா்பில் குழந்தைத் தொழிலாளா் முறை எதிா்ப்பு தின கையெழுத்து இயக்கம் தொடங்கி வைக்கப்பட்டது.
இதில், மாவட்ட குழந்தைகள் பாதுகாப்பு அலுவலா் நடராசன், திருவாரூா் நகா்மன்றத் தலைவா் புவனபிரியா செந்தில், சட்டப் பணிகள் ஆணைக்குழு செயலரும், சாா்பு நீதிபதியுமான மாணிக்கம், மாவட்ட முதன்மை கல்வி அலுவலா் சௌந்தர்ராஜன், நன்னடத்தை அலுவலா் வெங்கட்ராமன், உதவி ஆணையா் தொழிலாளா் நலத்துறை (அமலாக்கம்) வெங்கடேசன் உள்ளிட்டோா் பங்கேற்றனா்.
