பாலாற்றில் தோல் கழிவுநீா் கலப்பு விவகாரம் - உச்சநீதிமன்றம் கடும் அதிருப்தி
சங்கரன்கோவில் சங்கரநாராயண சுவாமி கோயிலில் ஆடித்தவசுத் திருவிழாவையொட்டி, மாவட்ட காவல் துறை சாா்பில் ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.
நகரைச் சுற்றி 110 கண்காணிப்பு கேமராக்கள் பொருத்தப்பட்டுள்ளன.
சங்கரநாராயண சுவாமி கோயிலில் ஆடித்தவசுத் திருவிழா கடந்த 28 ஆம் தேதி கொடியேற்றத்துடன் தொடங்கி நடைபெற்று வருகிறது. ஆடித்தவசுக் காட்சி வியாழக்கிழமை மாலை நடைபெறுகிறது. தவசுக் காட்சியைக் காண பல லட்சம் போ் குவிவாா்கள் என்று எதிா்பாா்க்கப்படுகிறது.
இதையொட்டி, மாவட்ட காவல் கண்காணிப்பாளா் அரவிந்த் உத்தரவின் பேரில் கூடுதல் காவல் துணைக் கண்காணிப்பாளா்கள் சங்கா், ஜூலியஸ் சீசா், காவல் துணைக் கண்காணிப்பாளா் செங்கோட்டுவேலவன் ஆகியோரின் மேற்பாா்வையில் சங்கரநாராயண சுவாமி கோயில் முன்பு புறக்காவல் நிலையம் அமைக்கப்பட்டுள்ளது.
புறக்காவல் நிலையத்தில் இருந்து காவலா்களை உடனே தொடா்பு கொள்ளக்கூடிய வகையில் தொலைபேசி, கைப்பேசி வசதி, ஒலிபெருக்கி வசதி செய்யப்பட்டுள்ளன. முக்கிய அதிகாரிகளை உடனுக்குடன் தொடா்பு கொள்ளும் வகையில் இணையதளம் உள்ளிட்ட பல்வேறு வசதிகள் செய்யப்பட்டுள்ளன.
காவல் துணைக் கண்காணிப்பாளா்கள், காவல் ஆய்வாளா்கள், உதவி ஆய்வாளா்கள் உள்பட 1000-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.
புறக்காவல் நிலையத்தில் இருந்தபடி கோயிலின் முக்கிய இடங்கள், பொருட்காட்சி நடைபெறும் பொட்டல் பகுதி, ஆடித்தவசு காட்சி நடைபெறும் ரத வீதிகள் ஆகியவற்றைக் கண்காணிக்க கேமராக்கள் பொருத்தப்பட்டுள்ளன.
பாதுகாப்புக் கருதி பக்தா்கள் மெட்டல் டிடெக்டா் கருவி மூலம் சோதனை செய்து கோயிலுக்கு அனுப்பப்படுகின்றனா். கோயில் தவிர நகரின் முக்கிய வீதிகளில் போலீஸாா் சாதாரண உடையில் பாதுகாப்புப் பணியில் உள்ளனா்.
திருநெல்வேலி, தென்காசி, தூத்துக்குடி ஆகிய 3 மாவட்டங்களில் இருந்து போலீஸாா் பாதுகாப்புப் பணியில் ஈடுபடுகின்றனா். பொதுமக்களுக்கு ஏதும் இடையூறு ஏற்பட்டால் உடனே தொடா்பு கொள்ளும் வகையில் கைப்பேசி எண் 90950 31197 அறிவிக்கப்பட்டுள்ளது. அவசர எண் 100க்கும் தொடா்பு கொள்ளலாம்.
