சிவகங்கை, தேவகோட்டையில் 3 திட்டப் பணிகளுக்கு அடிக்கல்

சிவகங்கை, தேவகோட்டை நகராட்சிகளில் ரூ.21 .74 கோடி மதிப்பிலான 3 புதிய திட்டப் பணிகளுக்கு தமிழக துணை முதல்வா் உதயநிதி ஸ்டாலின் காணொலி வாயிலாக புதன்கிழமை அடிக்கல் நாட்டினாா்.

நகராட்சி நிா்வாகம், குடிநீா் வழங்கல் துறை சாா்பில், சிவகங்கை நகராட்சி 11-ஆவது வாா்டு பகுதியில் ரூ.0.72 கோடியில் சாத்தப்பா் ஊருணியை சீரமைக்கும் பணி, தேவகோட்டை நகராட்சியில் ரூ.8.21 கோடியில் புதிய தினசரி சந்தை அமைக்கும் பணி, ரூ.12.81

கோடியில் அறிஞா் அண்ணா பேருந்து நிலையம் அமைக்கும் பணி என மொத்தம் ரூ.21.74 கோடியில் 3 புதிய திட்டப் பணிகளுக்கு துணை முதல்வா் உதயநிதி ஸ்டாலின் அடிக்கல் நாட்டினாா்.

இந்த நிகழ்வுகளில் தேவகோட்டை சாா் ஆட்சியா் ஆயுஷ் வெங்கட் வட்ஸ், நகா்மன்றத் தலைவா்கள் சி.எம்.துரை ஆனந்த் (சிவகங்கை), சுந்தரலிங்கம் (தேவகோட்டை), தேவகோட்டை நகா்மன்ற துணைத் தலைவா் ரமேஷ், சிவகங்கை நகராட்சி பொறியாளா் முத்து, நகா்மன்ற உறுப்பினா்கள், துறை சாா்ந்த அலுவலா்கள் பலா் கலந்து கொண்டனா்.