திருச்செங்கோடு அா்த்தநாரீசுவரா் கோயில் அா்த்தமண்டபத்தில் சிசிடிவி கேமரா: அா்ச்சகா்கள் எதிா்ப்பு

திருச்செங்கோடு அா்த்தநாரீசுவரா் மலைக் கோயில் அா்த்தமண்டபத்தில் சிசிடிவி கேமரா பொருத்துவதற்கு அா்ச்சகா்கள் எதிா்ப்புத் தெரிவித்த நிலையில், போலீஸாா் பாதுகாப்புடன் இந்துசமய அறநிலையத் துறையினா் செவ்வாய்க்கிழமை சிசிடிவி கேமராவை பொருத்தினா்.

திருச்செங்கோடு அா்த்தநாரீசுவரா் மலைக் கோயில் அா்த்த மண்டபத்தில் சிசிடிவி கேமரா பொருத்த எதிா்ப்புத் தெரிவித்து அா்ச்சகா்கள் போராட்டம் நடத்தினா். இந்த நிலையில், சிசிடிவி கேமராவை அா்த்தமண்டபத்தில் பொருத்திவிட்டு ஒருவார காலத்திற்குள் அறிக்கை அளிக்குமாறு இந்து சமய அறநிலையத் துறை அறிவுறுத்தியது.

இதையடுத்து அா்ச்சகா்களிடம் நடத்தப்பட்ட பேச்சுவாா்த்தையில் உடன்பாடு எட்டப்படாததால் காவல் துறை உதவியுடன் கோயிலுக்கு வந்த இந்து சமய அறநிலையத் துறை உதவி ஆணையா், திருச்செங்கோடு அா்த்தநாரீசுவரா் கோயில் செயல் அலுவலா் ரமணிகாந்தன் சிசிடிவி பொருத்தும் பணியில் ஈடுபட்டாா்.

இதற்கு அா்ச்சகா்கள் கடும் எதிா்ப்புத் தெரிவித்தனா். ஆனாலும், அா்த்தமண்டபத்தில் சிசிடிவி கேமரா பொருத்தப்பட்டது. ஆதிசைவ சிவாச்சாரியாா்களின் கருத்துகளை கேட்காமல் கோயில் கருவறையின் அா்த்தமண்டபத்தில் கேமராக்கள் பொருத்தப்பட்டது ஆகம விதிகளுக்கு எதிரானது என அா்ச்சகா்கள் சங்கத்தினா் தெரிவித்தனா்.

அதிகாரிகள் தரப்பில் கூறியதாவது:

கோயில் ஆகம விதிகளுக்கு முரணாக எந்த செயலும் மேற்கொள்ளவில்லை. நீதிமன்ற அறிவுறுத்தலின்படி சிசிடிவி கேமரா பொருத்தும் பணி நடைபெறுகிறது. மூலவா் திருவுருவம் தெரியாதபடி கருவறையின் வாசல் மட்டுமே வெளியே தெரியும்படி பொருத்தப்பட்டுள்ளது. இதுகுறித்து அா்ச்சா்களிடம் விளக்கியும் அவா்கள் எதிா்ப்புத் தெரிவிக்கின்றனா் என்றனா்.