தில்லி குடியரசு தின விழா அணிவகுப்பு: நாகலாபுரம் பள்ளி என்.சி.சி. மாணவி சுபித்ரா பங்கேற்பு!

புதுதில்லியில் நடைபெறும் குடியரசு தின விழா அணிவகுப்பில் தூத்துக்குடி மாவட்டம், விளாத்திகுளம் அருகே உள்ள நாகலாபுரம் சாமி அய்யா நாடாா் மேல்நிலைப் பள்ளி 9ஆம் வகுப்பு மாணவியும் தேசிய மாணவா் படை உறுப்பினருமான பா.சுபித்ரா கலந்து கொள்கிறாா்.

தேசிய மாணவா் படை சாா்பில் நிகழாண்டு தோ்வு செய்யப்பட்ட 6 மாணவிகளில், தூத்துக்குடி மாவட்டத்தில் இயங்கி வரும் தேசிய மாணவா் படையின் 29 வது தரைப்படை தனிப்பிரிவில் இருந்து பள்ளி அளவில் முதன்முதலாக செல்லும் மாணவி பா. சுபித்ரா என்பது குறிப்பிடத்தக்கது.

சாதனை மாணவி சுபித்ராவுக்கு தேசிய மாணவா் படை அதிகாரிகள், கல்வித்துறை அதிகாரிகள், பள்ளி நிா்வாகக் குழுவினா், ஆசிரியா்கள், அலுவலா்கள், பெற்றோா்கள், மாணவா்கள் உள்பட பலரும் பாராட்டு, வாழ்த்து தெரிவித்தனா்.