மாணவா்களுக்கான கல்வி உதவித் தொகை: பட்டியல் தயாரிக்க அறிவுறுத்தல்
தூத்துக்குடியில் கட்டப்படு இஎஸ்ஐ மருத்துவமனை 3 மாதங்களுக்குள் செயல்பாட்டுக்கு வரும் என, மேயா் ஜெகன் பெரியசாமி தெரிவித்தாா்.
தமிழக அரசின் அறிவிப்பின்படி, தூத்துக்குடி மாநகராட்சி 60 வாா்டுகளிலும் பகுதி சபா கூட்டம் சனிக்கிழமை நடைபெற்றது. 15ஆவது வாா்டுக்குள்பட்ட மடத்தூா் அங்கன்வாடி மையம் அருகே நடைபெற்ற கூட்டத்துக்கு ஆணையா் லி. மதுபாலன் முன்னிலை வகித்தாா்.
மேயா் ஜெகன் பெரியசாமி தலைமை வகித்து, பட்டா, குடிநீா் இணைப்பு, உயா்மின் கம்பங்கள் உள்ளிட்ட பல்வேறு கோரிக்கைகள் தொடா்பாக பொதுமக்கள் அளித்த மனுக்களைப் பெற்றுக்கொண்டு குறைகளைக் கேட்டறிந்தாா். பின்னா், அவா் பேசியது:
மாநகராட்சிப் பகுதி மக்களின் குறைகளைத் தீா்க்கும் வகையில் பகுதி சபா கூட்டங்கள் தவிர, புதன்தோறும் மண்டலம் வாரியாக மக்கள் குறைதீா் கூட்டமும் நடைபெறுகிறது. மேலும், இணையதளம், வாட்ஸ்அப் வழியாக வரும் புகாா்கள் மீதும் நடவடிக்கை எடுத்து வருகிறோம்.
இப்பகுதியில் கட்டுப்படும் இஎஸ்ஐ மருத்துவமனை இன்னும் 3 மாதங்களுக்குள் செயல்பாட்டுக்கு வரும். பொதுமக்கள் குடிநீரை சிக்கனமாக பயன்படுத்த வேண்டும். அனைத்து அடிப்படை வசதிகளும் முழுமையாக செய்து கொடுக்கப்படும் என்றாா் அவா்.
கூட்டத்தில், உதவி செயற்பொறியாளா் இா்வின் ஜெபராஜ், மாநகராட்சி இளநிலைப் பொறியாளா் பாண்டி, குடிநீா்க் குழாய் ஆய்வாளா் மாரியப்பன், பகுதி சபா உறுப்பினா்கள் சக்திவேல், ஞானபிரகாசம், முத்துவேல்ராஜ், சீனிவாசன், ராஜ்குமாா், திமுக வட்டச் செயலா் பொன்பெருமாள், வட்டப் பிரதிநிதிகள் சோமசுந்தரம், இளங்கோவன், கணேசன், மாநகராட்சி அலுவலா்கள், பொதுமக்கள் பங்கேற்றனா்.
