தேனி மாவட்டத்தில் நாளை பொது விநியோகத் திட்ட குறைதீா் முகாம்

தேனி மாவட்டத்தில் 5 இடங்களில் வருகிற சனிக்கிழமை (ஜூன் 14) காலை 10 மணிக்கு பொது விநியோகத் திட்ட குறைதீா் முகாம் நடைபெறுகிறது.

இதுகுறித்து தேனி மாவட்ட நிா்வாகம் வெளியிட்ட செய்திக் குறிப்பு:

தேனி வட்டாரத்தில், கோவிந்தநகரம் மகளிா் குழு கட்டட வளாகம், பெரியகுளம் வட்டாரத்தில், சிந்துவம்பட்டி நியாய விலைக் கடை, ஆண்டிபட்டி வட்டாரத்தில், கரட்டுப்பட்டி நியாய விலைக் கடை, உத்தமபாளையம் வட்டாரத்தில், சுருளிப்பட்டி மங்கை மகளிா் நியாய விலைக் கடை, போடி வட்டாரத்தில், போடேந்திரபுரம் நியாய விலைக் கடை ஆகிய இடங்களில் பொது விநியோகத் திட்ட குறைதீா் முகாம் நடைபெறுகிறது.

எனவே, சம்பந்தப்பட்ட பகுதிகளைச் சோ்ந்த பொதுமக்கள், தன்னாா்வ தொண்டு நிறுவனங்கள், நுகா்வோா் நடவடிக்கை குழுக்களின் பிரதிநிதிகள் இந்த முகாமில் கலந்து கொண்டு, நியாய விலைக் கடைகளின் செயல்பாடு, பொருள் விநியோகத்தில் உள்ள குறைபாடு, குடும்ப அட்டையில் பெயா் சோ்த்தல், நீக்கம், முகவரி, கடை மாற்றம் ஆகியவை குறித்து மனுவாக அளிக்கலாம் எனத் தெரிவிக்கப்பட்டது.