நரிக்குறவ மாணவரை மகிழ்வித்த அமைச்சா்

பிறந்தநாளுக்கு வாழ்த்து பெற வந்த நரிக்குறவ சிறுவனின் விருப்பத்தை நிறைவேற்றி, மகிழ்ச்சியடைய செய்தாா் அமைச்சா் பி.ஆா்.என். திருமுருகன்.

காரைக்கால் வடக்கு சட்டப் பேரவைத் தொகுதிக்குட்பட்ட ஓமக்குளம் பகுதி நரிக்குறவா் குடியிருப்பைச் சோ்ந்த அா்ஜூன் என்கிற சிறுவன் தனது 8-ஆவது பிறந்த நாளையொட்டி, குடிமை பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என். திருமுருகனிடம் வாழ்த்து பெற அவரது அலுவலகத்திற்கு சனிக்கிழமை சந்தித்தாா்.

அமைச்சா், அந்த சிறுவனுக்கு சால்வை அணிவித்து, பழங்கள், இனிப்பு வழங்கி, சிறப்பாக கல்வி கற்குமாறு வாழ்த்தினாா். மேலும் சிறுவனின் விருப்பத்தை அறிந்த அமைச்சா், தமது உதவியாளரை அழைத்து, சிறுவன் விரும்பும் ஆடையை வாங்கித் தருமாறும், அவரது குடியிருப்புப் பகுதியில் வாழும் அனைத்து மக்களுக்கும் சிறுவன் மூலமாக இனிப்பு வழங்க ஏற்பாடு செய்யுமாறும் அறிவுறுத்தினாா்.

அமைச்சரின் இந்த நடவடிக்கையால் சிறுவனும், அவரது குடும்பத்தினரும் மகிழ்ச்சியடைந்தனா்.