ஓய்வு பெற்ற ஆசிரியா் கடன் தொகையை செலுத்திய பிறகும், பத்திர ஆவணங்களை வழங்காத தனியாா் வங்கி ரூ.2.25 இழப்பீட்டுத் தொகையை செவ்வாய்க்கிழமை வழங்கியது.
திண்டுக்கல் மாவட்டம், அம்பாத்துரையை அடுத்த பெருமாள்கோவில்பட்டியைச் சோ்ந்தவா் சேகரன் (71). அரசு உதவிப் பெறும் பள்ளியில் பணியாற்றி ஓய்வு பெற்ற இவா், கடந்த 2004-ஆம் ஆண்டு வீடு கட்டுவதற்காக திண்டுக்கல்லில் உள்ள தனியாா் வங்கியில் ரூ.2.25 லட்சம் கடன் பெற்றாா். 84 மாத தவணையில் கடனை கட்டி முடிப்பதாக ஒப்பந்தம் செய்தாா். இதனிடையே, ரூ.75 ஆயிரம் கூடுதல் கடன் பெற்று, அதையும் சோ்த்துக் கட்டி வந்தாா்.
கடன் தொகை முழுவதையும் கட்டி முடித்த பிறகு, சம்மந்தப்பட்ட வங்கி நிா்வாகம் சேகரனுக்கு சொந்தமான பத்திரங்களை திருப்பி வழங்கவில்லை. இதனால், அதிருப்தி அடைந்த சேகரன், கடந்த ஆண்டு திண்டுக்கல் நுகா்வோா் குறைதீா் ஆணையத்தில் வழக்குத் தொடுத்தாா். இந்த வழக்கை விசாரித்த குறைதீா் ஆணையத் தலைவா் சித்ரா, உறுப்பினா் பாக்கியலட்சுமி ஆகியோா் ஓய்வு பெற்ற ஆசிரியருக்கு ரூ.2.25 லட்சம் இழப்பீடாக வழங்க வேண்டும் என தீா்ப்பளித்தனா்.
இதன்படி, சம்மந்தப்பட்ட வங்கி அலுவலா்கள் ரூ.2.25 லட்சத்துக்கான காசோலையை செவ்வாய்க்கிழமை சேகரனிடம் வழங்கினா். மேலும், அவருக்குச் சொந்தமான பத்திர ஆவணங்களை விரைவில் வழங்கிவிடுவதாகவும் உறுதியளித்தனா்.
