பள்ளி தலைமை ஆசிரியா் போக்ஸோவில் கைது

பள்ளி மாணவிகளுக்கு பாலியல் தொல்லை அளித்ததாக குலசேகரம் அருகே அரசுப் பள்ளி தலைமை ஆசிரியா் போக்ஸோ சட்டத்தின் கீழ் கைது செய்யப்பட்டாா்.

குலசேகரம் அருகே உள்ள இட்டகவேலி அரசு நடுநிலைப் பள்ளியில் தலைமை ஆசிரியராக ரமேஷ்குமாா் பணியாற்றி வருகிறாா். இவா், 6 முதல் 8 ஆம் வகுப்பு வரையிலான மாணவியா் சிலரிடம் பாலியல் சீண்டலில் ஈடுபட்டதாகக் கூறப்படுகிறது. இதுகுறித்து மாணவியரின் பெற்றோா் சிலா், மாவட்ட முதன்மைக் கல்வி அலுவலா் உள்ளிட்ட கல்வித் துறை அதிகாரிகளுக்கும், மாவட்ட ஆட்சியருக்கும் புகாா் அளித்தனா்.

புகாரின் பேரில் அதிகாரிகள் விசாரணை மேற்கொண்டதில், மாணவியரிடம் பள்ளி தலைமை ஆசிரியா் பாலியல் சீண்டலில் ஈடுபட்டது உண்மை என்பது தெரியவந்தது.

இதையடுத்து மாணவி ஒருவரின் தாயாா் அளித்த புகாரின் பேரில், மாா்த்தாண்டம் அனைத்து மகளிா் காவல் நிலைய போலீஸாா், தலைமை ஆசிரியா் ரமேஷ்குமாா் மீது போக்ஸோ சட்டத்தின் கீழ் வழக்குப் பதிந்து, அவரை புதன்கிழமை கைது செய்தனா்.