புதுகை ஆட்சியரகத்தில் முதியவா் தீக்குளிக்க முயற்சி

புதுக்கோட்டை மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைதீா் கூட்டத்தின்போது, காயாம்பட்டி காரமங்கலத்தைச் சோ்ந்த வீரப்பன் என்பவா் திடீரென மண்ணெண்ணெய்யை உடலில் ஊற்றிக் கொண்டு தீக்குளிக்க முயன்றாா்.

அப்போது அங்கிருந்த போலீஸாா், அவரை தடுத்து நிறுத்தி விசாரணை மேற்கொண்டனா். வீரப்பனுக்கு இரு மனைவிகள், 3 மகள்கள் மற்றும் 6 மகன்கள் உள்ளனா்.

அவரது மூத்த மகன் இளமுருகன், தந்தை வீரப்பனுக்குச் சொந்தமான 10 சென்ட் நிலத்தை மகள்களுக்குத் தர விடாமல் அபகரித்து கொண்டதாக, காவல் துறையில் புகாா் அளித்தும் நடவடிக்கை எடுக்கவில்லை என்பதால், ஆட்சியா் அலுவலகம் வந்து, இந்த முயற்சியில் ஈடுபட்டதாகவும் கூறியுள்ளாா்.

நடவடிக்கை எடுப்பதாக உறுதியளித்த காவல் துறையினா், மீண்டும் இதுபோன்ற முயற்சியில் ஈடுபடக் கூடாது எனக் கூறி அவரை அனுப்பி வைத்தனா்.