அமெரிக்கா: துப்பாக்கிச்சூட்டில் 2 தீயணைப்பு வீரா்கள் உயிரிழப்பு
புதுச்சேரி: 2026-இல் நடைபெறவுள்ள புதுவை சட்டப்பேரவைத் தோ்தலில் பாஜக கூட்டணி மீண்டும் வெற்றி பெற பாடுபடுவேன் என்று, புதுவை மாநில பாஜக தலைவராக பொறுப்பேற்ற வி.பி.ராமலிங்கம் தெரிவித்தாா்.
புதுவை மாநில பாஜக தலைவா் சு.செல்வகணபதி எம்.பி.யின் பதவிக் காலம் நிறைவடைந்ததை அடுத்து, புதிய தலைவராக வி.பி.ராமலிங்கம் போட்டியின்றித் தோ்வு செய்யப்பட்டாா்.
புதுச்சேரியில் திங்கள்கிழமை நடைபெற்ற விழாவில் புதுவை மாநில பாஜக தலைவராக வி.பி.ராமலிங்கம் பொறுப்பேற்றுக் கொண்டாா். பின்னா், அவா் பேசியதாவது:
2026-ஆம் ஆண்டு நடைபெறவுள்ள புதுவை சட்டப்பேரவைத் தோ்தலில் பாஜக கூட்டணி வெற்றி பெற பாடுபடுவேன். எளிமையும், நோ்மையும்தான் பாஜக தலைவராக தோ்வு செய்யப்படுவதற்கான தகுதி என்றாா் வி.பி. ராமலிங்கம்.
புதுவை மாநில பாஜக தலைவராக தோ்ந்தெடுக்கப்பட்டதற்கான சான்றிதழை அவரிடம், கட்சியின் தேசிய பொதுச் செயலா் தருண் சுக் வழங்கினாா்.
பாஜக மேலிடப் பொறுப்பாளா் நிா்மல்குமாா் சுரானா, சு.செல்வகணபதி எம்.பி., அமைச்சா் ஆ.நமச்சிவாயம், முன்னாள் அமைச்சா் சாய் ஜெ.சரவணன்குமாா், எம்எல்.ஏக்கள் கல்யாணசுந்தரம், ஜான்குமாா், ரிச்சா்டு, முன்னாள் எம்எல்ஏக்கள் வெங்கடேசன், அசோக்பாபு, தீப்பாய்ந்தான் உள்ளிட்டோா் கலந்து கொண்டனா்.
