அயர்லாந்துக்கு எதிரான டி20 தொடருக்கான இங்கிலாந்து அணியில் மாற்றம்!
புன்னைக்காயலில் அங்கன்வாடி மையத்தை கனிமொழி எம்.பி. புதன்கிழமை திறந்துவைத்தாா்.
ஆத்தூா் அருகில் உள்ள புன்னைக்காயல் ஊராட்சியில் மக்களவைத் தொகுதி உறுப்பினா் மேம்பாட்டு நிதியின் கீழ் ரூ. 17.50 லட்சம் மதிப்பீட்டில் கட்டப்பட்டுள்ள அங்கன்வாடி மைய திறப்பு விழாவுக்கு மாவட்ட ஆட்சியா் இளம்பகவத் தலைமை வகித்தாா்.
மாவட்ட மகளிா் திட்ட இயக்குநா் நாகராஜன், மாவட்ட கிராம ஊராட்சிகளின் உதவி இயக்குநா் சாந்தி ஆகியோா் முன்னிலை வகித்தனா். திமுக துணைப் பொதுச் செயலாளரும், நாடாளுமன்ற குழுத் தலைவருமான கனிமொழி எம்.பி அங்கன்வாடி மையத்தைத் திறந்துவைத்து குத்துவிளக்கேற்றி, குழந்தைகளுக்கு இனிப்புகளை வழங்கினாா்.
நிகழ்ச்சியில், தூத்துக்குடி தெற்கு மாவட்ட திமுக செயலாளரும், மீன்வளத் துறை, கால்நடை பராமரிப்புத் துறை அமைச்சருமான அனிதா ஆா்.ராதாகிருஷ்ணன், ஆழ்வாா்திருநகரி ஊராட்சி ஒன்றிய பிடிஓக்கள் ராஜா, அண்டோ, திமுக ஒன்றியச் செயலாளா் சதீஷ்குமாா், ஆழ்வாா்திருநகரி ஊராட்சி ஒன்றிய முன்னாள் தலைவா் ஜனகா், புன்னைக்காயல் ஊராட்சி தலைவா் சோபியா உள்ளிட்டோா் கலந்துகொண்டனா்.
