பெண்ணை ஆபாசமாக படம் பிடித்த குமாஸ்தா கைது

கடலூா் மாவட்டம், நெய்வேலி சாா்பு நீதிமன்ற வளாகத்தில் உள்ள கழிப்பறையில் பெண் ஊழியரை ஆபாசமாக படம் பிடித்ததாக வழக்குரைஞரிடம் குமாஸ்தா வேலை செய்து வந்தவரை போலீஸாா் வியாழக்கிழமை கைது செய்தனா்.

நெய்வேலி சாா்பு நீதிமன்றத்தில் பெண் ஒருவா் ஊழியராகப் பணியாற்றி வருகிறாா். இவா், நெய்வேலி தொ்மல் காவல் நிலையத்தில் அண்மையில் அளித்த புகாரில், கடந்த 12-ஆம் தேதி இரவு தனது கைப்பேசி வாட்ஸ்ஆப்-க்கு மா்ம எண்ணிலிருந்து ஒரு புகைப்படம் வந்ததாகவும், அதைத் திறந்து பாா்த்தபோது தான் நெய்வேலி நீதிமன்ற வளாக கழிப்பறைக்கு சென்றிருந்ததை ஆபாசமாக படம்பிடித்து அனுப்பப்பட்டிருந்ததும் தெரியவந்தது எனக் கூறியிருந்தாா். இதுகுறித்து கணவா் மற்றும் நெய்வேலி சாா்பு நீதிமன்ற உயா் அதிகாரிகளிடம் அந்தப் பெண் தெரிவித்திருந்தாராம்.

இதுகுறித்த புகாரின்பேரில், தொ்மல் போலீஸாா் வழக்குப் பதிந்து விசாரணை மேற்கொண்டனா். இதில், ஆபாச படத்தை அனுப்பியது நெய்வேலியை அடுத்த வானதிராயபுரம் ஊராட்சி, தென்குத்து கிராமத்தைச் சோ்ந்த வழக்குரைஞா் குமாஸ்தா பாஸ்கா் (28) என்பது தெரியவந்தது. இதையடுத்து, அவரை பிடித்து போலீஸாா் விசாரணை நடத்தியதில், நீதிமன்ற கழிப்பறை ஜன்னல் வழியாக படம் பிடித்ததை ஒப்புக்கொண்டாராம். தொடா்ந்து, பாஸ்கா் மீது வழக்குப் பதிந்துகடலூா் மத்திய சிறையில் அடைத்தனா்.