பைக் மீது காா் மோதி முதியவா் பலி

பழையகாயல் அருகே மோட்டாா்சைக்கிள் மீது காா் மோதிய விபத்தில் முதியவா் உயிரிழந்தாா்.

தூத்துக்குடி முத்தையாபுரம் தென்றல்நகரை சோ்ந்தவா் தங்கவேலு(71). இவா் ஞாயிற்றுக்கிழமை பழையகாயல் சிற்கோனியம் குடியிருப்பு அருகே தன் மோட்டாா்சைக்கிளில் திருச்செந்தூா் நோக்கி வந்துள்ளாா்.

அப்போது எதிரே வந்த காா் தங்கவேலு ஓட்டிவந்த மோட்டாா்சைக்கிள் மீது மோதியுள்ளது. இதில் தூக்கி எறியப்பட்டு பலத்த காயமடைந்த அவரை அருகில் இருந்தவா்கள் மீட்டு 108 ஆம்புலன்ஸ் மூலம் தூத்துக்குடி அரசு மருத்துவமனைக்கு கொண்டு சென்றுள்ளனா். ஆனால் அவா் செல்லும் வழியிலேயே உயிரிழந்துள்ளாா்.

இச்சம்பவம் குறித்து ஆத்தூா் போலீஸாா் வழக்கு பதிவு செய்து, விபத்தை ஏற்படுத்திய காரை ஓட்டி வந்த கரூா் அரவக்குறிச்சி இச்சிக்காட்டு தோட்டத்தைச்சோ்ந்த செல்லமுத்து(80) என்பவரை கைதுசெய்து விசாரணை நடத்தி வருகின்றனா்.