விழுப்புரம்: விழுப்புரம் மாவட்டம், கண்டாச்சிபுரம் அருகே பைக் மீது லாரி மோதியதில் பள்ளி மாணவா் ஞாயிற்றுக்கிழமை உயிரிழந்தாா்.
கண்டாச்சிபுரம் வட்டம், மேல்வாலை பீமாபுரம், பிரதானச் சாலையைச் சோ்ந்தவா்கள் ஸ்டாலின் மகன் ஜொ்சின் (15), சிவக்குமாா் மகன் பிரசாந்த் (14). இருவரும் கண்டாச்சிபுரம் பகுதியில் உள்ள பள்ளியில் பயின்று வந்தனா். விழுப்புரம் வட்டம், கண்டம்பாக்கம், சுப்பிரமணிய நகரைச் சோ்ந்தவா் தனசேகா் மகன் அய்யனாா் (18). கண்டாச்சிபுரம் பகுதியில் உள்ள தொழில் பயிற்சி மையத்தில் மெக்கானிக் பிரிவில் பயின்று வருகிறாா்.
நண்பா்களான இவா்கள் மூவரும் ஞாயிற்றுக்கிழமை திருவண்ணாமலை-விழுப்புரம் சாலையில் மேல்வாலை அருகே பைக்கில் சென்று கொண்டிருந்தனா். பைக்கை ஜொ்சின் ஓட்டினாா். அந்தப் பகுதியில் உள்ள மாரியம்மன் கோயில் அருகே சென்றபோது அந்த வழியாக வந்த லாரி மோதியதில் மூவரும் பலத்த காயமடைந்தனா்.
இதையடுத்து, மூவரும் அவசர ஊா்தி மூலம் விழுப்புரம் அரசு மருத்துவக்கல்லூரி மருத்துவமனையில் அனுமதிக்கப்பட்டனா். இதில், மொ்சின் உயிரிழந்தாா். பிரசாந்த், அய்யனாா் சிகிச்சை பெற்று வருகின்றனா்.
இதுகுறித்த புகாரின் பேரில், கண்டாச்சிபுரம் போலீஸாா் திங்கள்கிழமை வழக்குப் பதிந்து விசாரிக்கின்றனா்.
தொழிலாளி மரணம்: விழுப்புரம் வட்டம், அரியலூா் திருக்கை மேட்டுத் தெருவைச் சோ்ந்தவா் பாண்டுரெங்கன் மகன் பழனிவேல் (42). கொத்தனாரான இவா், ஞாயிற்றுக்கிழமை விழுப்புரம்-திருவண்ணாமலை சாலையில் அரியலூா் திருக்கை பேருந்து நிறுத்தம் அருகே நடந்து சென்று கொண்டிருந்தாா்.
அப்போது, அந்த வழியாக வந்த லாரி மோதியதில் பழனிவேலு நிகழ்விடத்திலேயே உயிழந்தாா்.
இதுகுறித்த புகாரின்பேரில், கெடாா் போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.
