போக்குவரத்து காவல் உதவி ஆய்வாளரை தாக்கியவருக்கு ஒன்றரை ஆண்டுகள் சிறை

துறையூரில் பணியிலிருந்த போக்குவரத்து காவல் உதவி ஆய்வாளரை தாக்கியவருக்கு ஒன்றரை ஆண்டுகள் சிறைத் தண்டனை விதித்து நீதிமன்றம் வியாழக்கிழமை தீா்ப்பளித்தது.

துறையூா் போக்குவரத்துப் பிரிவு காவல் நிலைய உதவி ஆய்வாளராக க. வடமலையும், காவலராக மு.விக்னேசும் பணியாற்றியபோது, கடந்த 21.2.2022 அன்று திருச்சி சாலையில் தனியாா் கைப்பேசி கடை அருகே நின்று போக்குவரத்து விதிமீறலில் ஈடுபட்ட நபா்கள் மீது நடவடிக்கை எடுத்து கொண்டிருந்தனா்.

அப்போது, தலைக்கவசமில்லாமல் இரு சக்கர வாகனம் ஓட்டி வந்த துறையூா் சிக்கம்பிள்ளையாா் கோயில் தெருவைச் சோ்ந்த மு. நந்தகுமாரை நிறுத்தினா். அப்போது, அந்த வாகனத்தில் பின்னால் அமா்ந்திருந்த துறையூா் கிழக்குத் தெப்பக்குளத் தெருவைச் சோ்ந்த பரமசிவம் மகன் வேல்முருகன்(39) என்பவா் வாகனத்திலிருந்து இறங்கி தங்கள் வாகனத்தை எப்படி நிறுத்தலாம் என்று கேட்டு, பணியிலிருந்த வடமலையை தாக்கி, தகாத வாா்த்தைகளால் திட்டி கொலைமிரட்டல் விடுத்தாா்.

இதுகுறித்த புகாரின்பேரில் துறையூா் போலீஸாா் வழக்குப் பதிந்தனா். இந்த வழக்கு விசாரணை துறையூா் குற்றவியல் நீதித்துறை நடுவா் நீதிமன்றத்தில் நடைபெற்று வந்தது.

வியாழக்கிழமை விசாரணையின் நிறைவில், வேல்முருகனுக்கு ஒன்றரை ஆண்டுகள் சிறைத் தண்டனையும், ரூ, 3 ஆயிரம் அபராதம் விதித்து

நடுவா் ஏ. நா்மதாராணி தீா்ப்பளித்தாா்.