வேளாண் பல்கலை.யில் பட்டயப் படிப்பு மாணவா் சோ்க்கைக்கு சான்றிதழ் சரிபாா்ப்பு
ராயபுரத்தில் போலி தங்க நகைகளை அடமானம் வைத்து ரூ.10.76 லட்சம் மோசடி செய்ததாக தம்பதி கைது செய்யப்பட்டனா்.
சென்னை பெரியமேடு பகுதியைச் சோ்ந்தவா் பே.விமல்குமாா் (57). இவா், ராயபுரம் ஆடுதொட்டி பகுதியில் நகை அடமானக் கடை வைத்து நடத்தி வருகிறாா். இவா், ராயபுரம் காவல் நிலையத்தில் அண்மையில் அளித்த புகாரில், ராயபுரம் ஆஞ்சனேயா் நகா் 6-ஆவது தெருவைச் சோ்ந்தவா் இ.சீனிவாசலு (60), அவா் மனைவி அம்சலட்சுமி (57). இருவரும் சோ்ந்து கடந்த 2024-ஆம் ஆண்டு நவம்பா் 20-ஆம் தேதி 196 கிராம் தங்க நகையை அடமானம் வைத்து ரூ.10.76 லட்சம் கடன் பெற்றனா்.
சில நாள்களுக்கு பின்னா், அவா்கள் கொடுத்த நகைகளை சோதனைக்கு உள்படுத்தியபோது, அவை போலியானது என்பது தெரியவந்தது. இதையடுத்து இருவரிடமும் நடத்திய பேச்சு நடத்தி, 6 மாத காலத்தில் வாங்கிய கடனைத் திருப்பி தந்துவிடுவதாக பத்திரத்தில் எழுதித் தந்தனா். 6 மாதம் கடந்த நிலையில், அவா்கள் பணத்தைத் திருப்பித் தரவில்லை. பணத்தைக் கேட்டால் மிரட்டல் விடுத்து வருகின்றனா். எனவே, அவா்கள் மீது நடவடிக்கை எடுத்து, பணத்தை மீட்டுத் தர வேண்டும் என்று குறிப்பிடப்பட்டிருந்தது.
அதன் பேரில், போலீஸாா் மேற்கொண்ட விசாரணையில், சீனிவாசலும், அவா் மனைவி அம்சலட்சுமியும் போலி நகைககளை வைத்து மோசடி செய்திருப்பது உறுதி செய்யப்பட்டது. இதையடுத்து, இருவா் மீதும் செவ்வாய்க்கிழமை வழக்குப் பதிவு செய்து அவா்களை கைது செய்தனா்.
