மதுராந்தகம் ஏரியைத் தூா் வார நடவடிக்கை எடுக்க வேண்டும் என செங்கல்பட்டு ஒருங்கிணைந்த மாவட்ட பொதுக்குழுவில் தீா்மானம் நிறைவேற்றப்பட்டது.
மதுராந்தகத்தில் நடைபெற்ற கூட்டத்துக்கு மாவட்டச் செயலா் கணபதி தலைமை வகித்தாா். நகர தலைவா் சந்தோஷ் வரவேற்றாா். மாநில பொருளாளா் திலகபாமா, கட்சி பொது செயலா் வடிவேல் ராவணன், தலைமை நிலைய செயலா் செல்வகுமாா், மாநில இளைஞா் அணி செயலா் பொன் கங்காதரன், மாநில தோ்தல் பணிக்குழு நிா்வாகி எடையாளம் குமரவேல், மாவட்ட செயலா்கள் வெங்கடேசன், காயாா் ஏழுமலை ஆகியோா் முன்னிலை வகித்தனா்.
இந்நிகழ்வில் செங்கல்பட்டு தெற்கு மாவட்ட தலைவா் சதீஷ், ஒன்றிய செயலா்கள் கன்னியப்பன், ராமகிருஷ்ணன், வன்னியா் சங்க முன்னாள் மாவட்ட தலைவா் சகாதேவன் கலந்து கொண்டனா்.
கூட்டத்தில் பங்கேற்ற பாமக தலைவா் அன்புமணி ராமதாஸ் பேசியது: மதுராந்தகம் ஏரியை முன்னோா் உருவாக்கினா். அதன்பின் ஆங்கிலேய ஆட்சிக் காலத்தில் தான் தூா்வாரப்பட்டது. சுமாா் 4,000 மேற்பட்ட ஏக்கா் நிலப்பரப்பை கொண்ட இந்த ஏரி, தூா்வாராததாலும், ஆக்கிரமிப்பாலும் சுருங்கி தற்சமயம் 920 ஏக்கா் மட்டுமே உள்ளது. கடந்த 4 ஆண்டுகளாக ஏரி தூா் வாராமல் திமுக அரசு தாமதம் செய்து வருகிறது.
மாமல்லபுரத்தில் இளைஞா் சித்திரை பெருவிழா மாநாடு வெற்றிகரமாக நடத்தப்பட்டதால் பல்வேறு கட்சிகளுக்கு அதிா்ச்சி ஏற்பட்ுடள்ளது.
சமூக நீதி அடிப்படையில் தமிழகத்தில் எத்தனையோ கட்சிகள் அமைப்புகள் இருக்கின்றன. ஆனால் ஆளும் திமுக அரசு சமூக நீதிக்கு எதிராக செயல்படுகிறது.
கட்சியில் இளைஞா்களை அதிகளழில் உறுப்பினா்களாக சோ்க்க முன்வரவேண்டும். வரும் ஜூலை 25-இல் தமிழக மக்களின் உரிமை பாதுகாப்பு நடைபயணத்தை திருப்போரூரிலிருந்து தொடங்க உள்ளேன். கட்சியினை பலப்படுத்தவும் செய்யவும், மக்கள் நலன்களை பேணும் வகையில் 10 அம்ச கொள்கைகளை வலியுறுத்தவும் உள்ளேன் என்றாா். பொதுக்குழு கூட்டத்தில் 11 தீா்மானங்கள் நிறைவேற்றப்பட்டன.
