மயிலாடுதுறை, காரைக்கால் உள்ளிட்ட ரயில்களின் சேவைகளில் மாற்றம்

பராமரிப்புப் பணிகள் காரணமாக, மயிலாடுதுறை, காரைக்கால் உள்ளிட்ட ரயில்களின் சேவைகளில் மாற்றம் செய்யப்பட்டுள்ளது.

இதுகுறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பு:

பராமரிப்புப் பணிகள் காரணமாக, மன்னாா்குடி - மயிலாடுதுறை - மன்னாா்குடி ரயில்களானது (56001, 56002) ஆகஸ்ட் 2, 3, 4-ஆம் தேதிகளில் முழுமையாக ரத்து செய்யப்படுகிறது.

விழுப்புரம் - புதுச்சேரி - விழுப்புரம் மெமு ரயில்களானது (66063, 66064) ஆகஸ்ட் 1, 2, 3, 4, 5 ஆம் தேதிகளில் முழுமையாக ரத்து செய்யப்படுகிறது.

பகுதியாக ரத்து...: திருச்சி - மயிலாடுதுறை பயணிகள் ரயிலானது (56700) ஆக. 1-ஆம் தேதி மயிலாடுதுறை - குத்தாலம் இடையே பகுதியாக ரத்து செய்யப்படுகிறது. இந்த ரயிலானது திருச்சி - குத்தாலம் இடையே மட்டும் இயங்கும்.

விழுப்புரம் - மயிலாடுதுறை பயணிகள் ரயிலானது (56813) ஆக. 3-ஆம் தேதி மயிலாடுதுறை - ஆனந்ததாண்டவபுரம் இடையே பகுதியாக ரத்து செய்யப்படுகிறது. இந்த ரயிலானது விழுப்புரம் - ஆனந்ததாண்டவபுரம் இடையே மட்டும் இயங்கும்.

திருச்சி - காரைக்கால் டெமு ரயிலானது (76820) வரும் ஆக. 1, 2, 3 ஆம் தேதிகளில் காரைக்கால் - தஞ்சாவூா் இடையே பகுதியாக ரத்து செய்யப்படுகிறது. இந்த ரயிலானது திருச்சி - தஞ்சாவூா் இடையே மட்டும் இயங்கும்.

மறுமாா்க்கமாக, காரைக்கால் - திருச்சி டெமு ரயிலானது (76819) ஆக. 1, 2, 3- ஆம் தேதிகளில் காரைக்கால் - தஞ்சாவூா் இடையே பகுதியாக ரத்து செய்யப்படுகிறது. இந்த ரயிலானது தஞ்சாவூா் - திருச்சி இடையே மட்டும் இயங்கும்.

வழித்தட மாற்றம்...: மயிலாடுதுறை - செங்கோட்டை விரைவு ரயிலானது (16847) வரும் 3, 6-ஆம் தேதிகளிலும், செங்கோட்டை - மயிலாடுதுறை விரைவு ரயிலானது (16848) ஆகஸ்ட் 1, 2, 4, 5, 6, 8-ஆம் தேதிகளில் மணப்பாறை, வையம்பட்டி, வடமதுரை, திண்டுக்கல், கொடைக்கானல் சாலை, மதுரை, திருப்பரங்குன்றம், திருமங்கலம், கள்ளிக்குடி ரயில் நிலையங்களைத் தவிா்த்து திருச்சி, காரைக்குடி, மானாமதுரை, விருதுநகா் வழியாக இயக்கப்படும்.

கன்னியாகுமரி - ஹவுரா அதிவிரைவு ரயிலானது (12666) ஆக. 2-ஆம் தேதி மதுரை, கொடைக்கானல் சாலை, திண்டுக்கல் ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, திருச்சி வழியாகச் செல்லும்.

காலதாமதம்...: மதுரை - கச்சிகுடா சிறப்பு விரைவு ரயிலானது (07192) வரும் 6-ஆம் தேதி மதுரையிலிருந்து 80 நிமிஷங்கள் தாமதமாக, அதாவது காலை 10.40 மணிக்குப் பதிலாக பிற்பகல் 12 மணிக்குப் புறப்படும்.