திருநெல்வேலி மாவட்டம், வன்னிக்கோனேந்தலில் கனமழையால் சேதமடைந்த உளுந்து பயிருக்கு இழப்பீடு கோரி அப்பகுதியைச் சோ்ந்த விவசாயிகள் ஆட்சியா் அலுவலகத்தில் மனு அளித்தனா்.
திருநெல்வேலி மாவட்ட மக்கள் குறைதீா் கூட்டம் ஆட்சியா் கா.ப. காா்த்திகேயன் தலைமையில் ஆட்சியா் அலுவலகத்தில் திங்கள்கிழமை நடைபெற்றது. வன்னிகோனேந்தல் அனைத்து விவசாயிகள் முன்னேற்ற சங்கத் தலைவா் மூவி சுந்தா் தலைமையில் ஆட்சியரிடம் விவசாயிகள் அளித்த மனு:
எங்கள் பகுதியில் நாங்கள் பயிரிட்டிருந்த உளுந்து பயிா்கள் கடந்த ஆண்டு பெய்த கனமழையால் முற்றிலுமாக சேதம் அடைந்துவிட்டன. எனவே, அரசு சாா்பில் தர வேண்டிய இழப்பீடு மற்றும் காப்பீட்டுத் தொகையை விவசாயிகளின் வங்கி கணக்கில் வரவு வைக்க விரைந்து நடவடிக்கை எடுக்க வேண்டும்.
திருநெல்வேலி- திருவேங்கடம் இடையே மேல இலந்தைகுளம் பகுதியில் பழுதடைந்து காணப்படும் சுமாா் 15 கி.மீ. தொலைவுள்ள மங்கம்மாள் சாலையை விரைந்து சீரமைக்க வேண்டும். இதன்மூலம் சுற்றுப்புற கிராமங்களான மடத்துப்பட்டி, கருப்பனூத்து, வெள்ளப்பனேரி, அச்சம்பட்டி, மூவிருந்தாளி, சாலைப்புதூா், சுண்டங்குறிச்சி, கட்டாலங்குளம், பிள்ளையாா் குளம், பள்ளமடை, நாஞ்சான்குளம் ஆகிய பகுதிகளைச் சோ்ந்த மக்கள் பயன்பெறுவாா்கள். விவசாயம் வளா்ச்சி அடையும் எனக் கூறியுள்ளனா்.
அகில பாரத இந்து மகா சபை மாநில துணைத் தலைவா் வண்ணை கணேசன் அளித்த மனுவில், ‘தைப்பூச திருவிழாவையொட்டி திருச்செந்தூா் பாதயாத்திரை செல்லும் பக்தா்கள் ஜாதி கொடி, ஜாதியை குறிக்கும் டிசா்ட் அணிந்து செல்கின்றனா். இதேபோல், ஆட்டோக்களில் ஜாதி பாடல்களை ஒலிபரப்பி செல்கின்றனா். இதனால் பிரச்னை ஏற்பட வாய்ப்புள்ளது. எனவே, திருச்செந்தூா் செல்லும் பக்தா்கள் ஜாதிய அடையாளங்களை பயன்படுத்த தடை விதிக்க வேண்டும்’ என வலியுறுத்தியுள்ளாா்.
ராதாபுரம் அருகேயுள்ள சிதம்பராபுரம் ஊராட்சித் தலைவா் பேபி அளித்த மனுவில், ‘சிதம்பராபுரம் ஊராட்சிக்குள்பட்ட ஆத்துக்குறிச்சியில் புதிய கல்குவாரி அமைப்பதற்கான பணிகள் நடைபெற்று வருவதாகத் தெரிகிறது. அதற்கு அனுமதி வழங்கக்கூடாது’ எனக் கூறியுள்ளாா்.
களக்காடு அருகேயுள்ள படலையாா்குளம் கிராம மக்கள் அளித்த மனுவில், ‘எங்கள் பகுதியில் வீடுதோறும் குடிநீா் வழங்குவதற்காக கான்கிரீட் சாலைகள் தோண்டப்பட்டு குழாய்கள் பதிக்கப்பட்டன. ஆனால், அந்தப் பணி முடிந்து 8 மாதங்கள் ஆனபோதிலும், இதுவரை சாலையை சரி செய்யவில்லை. தெருக்கள் முழுவதும் மேடு பள்ளமாக காட்சியளிக்கின்றன. இது தொடா்பாக ஊராட்சி தலைவரின் கவனத்துக்கு கொண்டு சென்று பலனளிக்கவில்லை. மேலும் எங்கள் பகுதியில் அடிப்படை வசதிகளையும் செய்து கொடுக்கவில்லை. ஆட்சியா் தலையிட்டு நடவடிக்கை எடுப்பதோடு, சேதமடைந்த கழிவுநீா் கால்வாய்களையும் சரி செய்ய உத்தரவிட வேண்டும்’ எனக் குறிப்பிட்டுள்ளனா்.
