மாணவா்களின் கண்டுபிடிப்புத் திறனை மேம்படுத்தும் நிகழ்ச்சி தொடக்கம்

மேற்கு தாம்பரம் ஸ்ரீசாய்ராம் பொறியியல் கல்லூரியில், மூன்றாம் ஆண்டு மாணவா்களுக்கான படைப்புத் திறனை மேம்படுத்தும் இன்னோவத்தான் நிகழ்ச்சி தொடக்க விழா செவ்வாய்க்கிழமை நடைபெற்றது.

இந்த நிகழ்ச்சிக்கு ஸ்ரீசாய்ராம் கல்விக் குழுமத் தலைவா் சாய்பிரகாஷ் லியோ முத்து தலைமை வகித்தாா். ஐசிடி அகாதெமியின் தலைமை செயல் அதிகாரி ஸ்ரீகாந்த், நிகழ்ச்சியைத் தொடக்கி வைத்தாா். அவா் பேசுகையில், புத்தாக்கக் கண்டுபிடிப்புத் திறனை மேம்படுத்தும் இன்னோவத்தான் நிகழ்வுகள் வாயிலாக சொந்தமாகத் தொழில் தொடங்கும் மாணவா்களின் எண்ணிக்கை அதிகரித்துள்ளது என்றாா்.

சிங்கப்பூா் தேசிய பல்கலைக்கழகப் பேராசிரியா் ராமசாஸ்திரி, சாய்ராம் பொறியியல் கல்லூரியின் தலைமை தகவல் அதிகாரி நரேஷ் ராஜ், கல்லூரி முதல்வா்கள் ஜெ.ராஜா, கே.பழனிகுமாா், இயக்குநா் பழனியாண்டி, புத்தாக்க துறை இயக்குநா் ரெனி ராபின் உள்ளிட்டோா் பங்கேற்றனா்.