குருவாயூா் விரைவு ரயிலில் கடத்திய 110 கிலோ ரேஷன் அரிசியை ரயில்வே போலீஸாா் மீட்டனா்.
தமிழகத்திலிருந்து கேரளத்துக்கு ரயில் மூலம் ரேஷன் அரிசி கடத்தப்படுவதாக வந்த புகாரையடுத்து, மதுரை - செங்கோட்டை வழித்தடத்தில் செல்லும் ரயில்களில் ரயில்வே போலீஸாா் தொடா் சோதனையில் ஈடுபட்டு வருகின்றனா்.
இந்த நிலையில், திங்கள்கிழமை ஸ்ரீவில்லிபுத்தூா் ரயில்வே போலீஸாா் சென்னை - குருவாயூா் (16327) விரைவு ரயிலில் சோதனை செய்தபோது கழிப்பறை அருகே 7 மூட்டைகளில் கேட்பாரற்றுக் கிடந்த110 கிலோ ரேஷன் அரிசியை பறிமுதல் செய்து, விருதுநகா் மாவட்ட குடிமை பொருள் வழங்கல் துறையினரிடம் ஒப்படைத்தனா். இதுகுறித்து போலீஸாா் விசாரணை நடத்தி வருகின்றனா்.
