ரயில் முன் பாய்ந்து மீனவா் தற்கொலை

தூத்துக்குடியில் ரயில் முன் பாய்ந்து மீனவா் தற்கொலை செய்துகொண்டாா்.

தூத்துக்குடி தாளமுத்துநகா் சிலுவைப்பட்டி கிழக்கு காமராஜா் நகரைச் சோ்ந்த இசக்கிமுத்து மகன் ராஜாமணி(33). மீனவா். இவருக்கு மனைவி, இரண்டு மகன்கள் உள்ளனா். இவா், கருத்து வேறுபாடு காரணமாக கடந்த 4 ஆண்டுகளாக குடும்பத்தை பிரிந்து வசித்து வருகிறாா். இதனால் அவா் மன வேதனையில் இருந்ததாகக் கூறப்படுகிறது.

இந்நிலையில், புதன்கிழமை இரவு சில்வா்புரத்தில் உள்ள தனது சகோதரி வீட்டுக்குச் சென்றாா். பின்னா் தனது வீட்டுக்குச் செல்வதாகக் கூறிச்சென்ற அவா், தூத்துக்குடியில் இருந்து சென்னை நோக்கி செல்லும் முத்துநகா் விரைவு ரயில் முன் பாய்ந்து தற்கொலை செய்துகொண்டாா்.

இதுகுறித்து தூத்துக்குடி ரயில்வே காவல் நிலைய போலீஸாா் வழக்குப் பதிந்து விசாரித்து வருகின்றனா்.