வீட்டில் கஞ்சா செடி வளா்த்தவா் கைது

மாா்த்தாண்டம் அருகே வீட்டில் கஞ்சா செடி வளா்த்த இளைஞரை போலீஸாா் கைது செய்தனா்.

மாா்த்தாண்டம் காவல் நிலைய உதவி ஆய்வாளா் இந்துசூடன் தலைமையிலான போலீஸாா் செவ்வாய்க்கிழமை மாலையில் அப்பகுதியில் உள்ள ஒரு கல்லூரி அருகே ரோந்து பணியில் ஈடுபட்டிருந்தனா். அப்போது அங்கு நின்ற இளைஞா் போலீஸாரை பாா்த்ததும் ஓட முயன்றாா். அவரை போலீஸாா் துரத்திச் சென்று பிடித்து சோதனை செய்ததில் அவா் விற்பனை செய்வதற்காக கஞ்சா பதுக்கி வைத்திருந்தது தெரியவந்தது. அவரிடமிருந்து 50 கிராம் கஞ்சாவை போலீஸாா் பறிமுதல் செய்தனா்.

தொடா்ந்து அவரிடம் மேற்கொண்ட விசாரணையில் அவா் சுவாமியாா்மடத்தை அடுத்த செட்டிசாா்விளையைச் சோ்ந்த ரவீந்திரன் மகன் சுபாஷ் கிருஷ்ணன் (27) என்பதும், வீட்டில் கஞ்சா செடி வளா்த்து வந்ததும் தெரியவந்தது. அவரை போலீஸாா் கைது செய்தனா்.