பெரியகுளம் பகுதியில் தொடரும் சாரல் மழையால் மாங்காய்கள் சேதமடைந்து வருவதாக விவசாயிகள் கவலை தெரிவித்தனா்.
தேனி மாவட்டத்தில் கம்பம் முதல் தேனி வரை தென்மேற்குப் பருவமழை பெய்து வருகிறது. இதனால், ஆறுகளில் நீா்வரத்து அதிகரித்துள்ளது. ஆனால், ஆண்டிபட்டி, பெரியகுளம் பகுதிகளில் கடந்த 7 நாள்களாக சாரல் மழை மட்டும் பெய்து வருகிறது. குறிப்பாக பெரியகுளம் பகுதியில் பெய்யும் சாரல் மழையால் மாங்காய்களில் கருப்பு புள்ளி ஏற்பட்டது. மேலும், மாங்காய்கள் பழுத்து விழுந்து விடுகின்றன. அதே போல, மலா்கள், காய்கள் பாதிக்கப்பட்டு வருகின்றன. இதனால், விவசாயிகள் வேதனையடைந்தனா்.
