நாமகிரிப்பேட்டை அருகே சிறுவனை கொன்ற வழக்கில் இளைஞருக்கு ஆயுள் தண்டனை விதித்து நாமக்கல் நீதிமன்றம் செவ்வாய்க்கிழமை தீா்ப்பு அளித்தது.
நாமக்கல் மாவட்டம், ராசிபுரம் வட்டம், நாமகிரிப்பேட்டை அருகே சீராப்பள்ளி மூப்பனாா் கோயில் தெருவைச் சோ்ந்த கபில்வாசன் - ராஜாமணி தம்பதி மகன் தருண் (3). கடந்த 2022 ஆம் ஆண்டு ராஜாமணியின் சகோதரி மகனான ராகுல் (23) என்பவா் கைப்பேசியில் ஆபாசப் படம் பாா்த்ததாகத் தெரிகிறது. இதை சித்தியான ராஜாமணி கண்டித்துள்ளாா். இதனால் ஆத்திரமடைந்த ராகுல், சித்தி மகன் தருணை கழுத்தை நெரித்து கொலை செய்தாா்.
இச்சம்பவம் தொடா்பாக நாமகிரிப்பேட்டை போலீஸாா் விசாரணை மேற்கொண்டு ராகுலை கைது செய்தனா். இந்த வழக்கு விசாரணை நாமக்கல் எஸ்சி/எஸ்டி சிறப்பு நீதிமன்றத்தில் நடைபெற்று வந்தது. விசாரணை நிறைவில் சிறுவனை கொலை செய்த ராகுலுக்கு ஆயுள் தண்டனை விதித்து நீதிபதி சாந்தி செவ்வாய்க்கிழமை தீா்ப்பளித்தாா்.
