இயக்குநர் மணிரத்னம் தன் அடுத்த படம் குறித்து பேசியுள்ளார்.
தக் லைஃப் படத்திற்குப் பின்னர் இயக்குநர் மணிரத்னம் பிரபல தெலுங்கு நடிகர் நவீன் பொலிஷெட்டியை கதாநாயகனாக வைத்து காதல் கதை ஒன்றை இயக்கவிருப்பதாகக் கூறப்பட்டது.
தக் லைஃப் படம் வெளியானதும் நவீன் பொலிஷெட்டி நடிக்கவுள்ள படத்தின் அதிகாரப்பூர்வ தகவல்கள் வெளியாகும் என எதிர்பார்க்கப்பட்டது.
இந்த நிலையில், நேர்காணலில் பேசிய மணிரத்னம், “தக் லைஃப் திரைப்படத்திற்குப் பின் என்ன படம் எடுக்கப்போகிறேன் என எனக்கே தெரியவில்லை. நான் சில திரைக்கதைகளை எழுதி வருகிறேன். ஆனால், அடுத்த படம் காதல் படமாக இருக்காது.” எனத் தெரிவித்துள்ளார்.
மேலும், நவீன் பொலிஷெட்டியை இயக்குவதாகக் கூறுகிறார்கள் அதுகுறித்து எதுவும் எனக்குத் தெரியாது என்றும் பதிலளித்துள்ளார்.
இதையும் படிக்க: இயக்குநர் சசி - விஜய் ஆண்டனி கூட்டணியில் புதிய படம்!
