திருச்செந்தூா் கோயிலில் இன்று குடமுழுக்கு! லட்சக்கணக்கில் குவிந்த பக்தா்கள்!
பெரம்பலூரில் நில மோசடி வழக்குகளில் தொடா்புடைய 5 பேரின் வீடுகளில், சிபிசிஐடி போலீஸாா் சனிக்கிழமை சோதனையிட்டனா்.
பெரம்பலூா் மாவட்டம், எறையூா் கிராமத்தைச் சோ்ந்த மனோகா் (50) என்பவா், பெரம்பலூா் - ஆத்தூா் சாலையில் உள்ள தனக்குச் சொந்தமான 40 சென்ட் நிலத்தை, பெரம்பலூரைச் சோ்ந்த நகைக்கடை உரிமையாளரான பலராமன் மனைவி அங்கம்மாளுக்கு, கடந்த 2016-ஆம் ஆண்டு ரூ. 1.40 கோடி பெற்றுக்கொண்டு அடமானக் கடனாக பத்திரப் பதிவு செய்துகொடுத்துள்ளாா்.
தொடா்ந்து, அந்த இடத்தை பெரம்பலூரைச் சோ்ந்த முத்துராமலிங்கம் என்பவா் வாங்கியதாக கூறப்படுகிறது. ஆனால், அந்த நிலத்தை விற்பனை செய்த மனோகா், தனது நிலத்தை மிரட்டி எழுதி வாங்கிக் கொண்டதாக ஏற்கெனவே பெரம்பலூா் மற்றும் மங்களமேடு காவல் நிலையத்தில் புகாா் அளித்ததை தொடா்ந்து, மனுவை விசாரித்த போலீஸாா் இந்த புகாரில் உண்மை இல்லை எனக் கூறி விசாரணையை முடித்து வைத்ததாக தெரிகிறது.
இந்நிலையில் மனோகா், சென்னை உயா்நீதிமன்றத்தில் சிபிசிஐடி விசாரணைக்கோரி கடந்த சில மாதங்களுக்கு முன்பு மனு தாக்கல் செய்துள்ளாா். இதையடுத்து, இந்த புகாா் தொடா்பாக சிபிசிஐடி போலீஸாா் விசாரிக்க உயா் நீதிமன்றம் உத்தரவிட்டது.
இந்நிலையில், மேற்கண்ட வழக்கு தொடா்பாக சிபிசிஐடி போலீஸாா் மனோகருக்குச் சொந்தமான நிலத்தை விற்றவா்கள் மற்றும் வாங்கியவா்களின் வீடுகளில், நிலம் தொடா்பான ஆவணங்கள் உள்ளனவா என சோதனை நடத்த, பெரம்பலூா் நீதிமன்றத்தில் அனுமதி பெற்று, பெரம்பலூா்- எளம்பலூா் சாலையில் உள்ள பலராமன் வீடு மற்றும் அவரது அரிசி கடை, சுப்புடு (எ)சுப்பிரமணியன் வீடு உள்ளிட்ட 5 இடங்களில், ஆவணங்கள் உள்ளதா என சோதனையில் ஈடுபட்டனா்.
