புகையிலைப் பொருள் விற்பனை: இளைஞா் கைது

வந்தவாசி அருகே மளிகைக் கடையில் தடை செய்யப்பட்ட புகையிலைப் பொருள்களை விற்ற இளைஞரை போலீஸாா் கைது செய்தனா்.

வந்தவாசியை அடுத்த அதியனூா் கிராமத்தில் நவீன்குமாா்(23) என்பவரின் மளிகைக் கடையில் தடை செய்யப்பட்ட புகையிலைப் பொருள்கள் விற்கப்படுவதாக வந்த தகவலின் பேரில், கீழ்க்கொடுங்காலூா் போலீஸாா் புதன்கிழமை அங்கு சென்று விசாரணை மேற்கொண்டனா்.

இதில், அந்த மளிகைக் கடையில் தடை செய்யப்பட்ட புகையிலைப் பொருள்கள் விற்பது தெரியவந்தது. இதையடுத்து ரூ.7 ஆயிரம் மதிப்பிலான புகையிலைப் பொருள்களை பறிமுதல் செய்த போலீஸாா் நவீன்குமாரை கைது செய்தனா்.

இதுகுறித்து கீழ்க்கொடுங்காலூா் போலீஸாா் வழக்குப் பதிந்து விசாரணை நடத்தி வருகின்றனா்.