புதுவையில் பட்டியலின மக்களுக்கு 800 சதுர அடியில் இலவச வீட்டுமனை வழங்கும் திட்டம் தொடக்கம்

புதுச்சேரி: புதுவையில் 800 சதுர அடியில் பட்டியலின மக்களுக்கு இலவச மனைப் பட்டா வழங்கும் திட்டத்தை திங்கள்கிழமை முதல்வா் என்.ரங்கசாமி தொடங்கி வைத்தாா்.

இதுவரை ஆதிதிராவிடா் மற்றும் பழங்குடியினா் நலத் துறை சாா்பில் 600 சதுரடி அளவில்தான் இலவச மனைப் பட்டா வழங்கப்பட்டு வந்தது.

இதனை 800 சதுர அடியாக உயா்த்தி முதல் முறையாக இலவச மனைப் பட்டா வழங்கப்பட்டது. சட்டப்பேரவைத் தலைவா் ஆா். செல்வத்தின் மணவெளி தொகுதியில் 236 பேருக்கு தலா 800 சதுர அடி வீட்டு மனைப் பட்டா வழங்கப்பட்டது.

மேலும் இதில் மக்கள் வீடு கட்டிக் கட்டிக் கொள்ள நிதியுதவி ரூ. 5 லட்சத்தில் இருந்து ரூ.7 லட்சமாக உயா்த்தியும் முதல்வா் என்.ரங்கசாமி வழங்கி பேசியது:

குடிசையில்லா புதுவையை உருவாக்கும் நோக்கத்தில்தான் பெருந்தலைவா் காமராஜா் பெயரில் கல்வீடு கட்டும் திட்டம் செயல்படுத்தப்பட்டு வருகிறது. நிகழாண்டு இத் திட்டத்தின் கீழ் ரூ.525 கோடி ஒதுக்கீடு செய்யப்பட்டுள்ளது. ஒரு நல்ல வீடு இருந்தால் அந்த மக்களின் வாழ்க்கைத் தரம் உயரும், பொருளாதாரம் மேம்படும் என்ற அடிப்படையில்தான் 800 சதுர அடியை அந்த மக்களுக்கு இலவச மனைப் பட்டாவாக வழங்கியுள்ளோம். மேலும் அவா்களுக்கு வீடு கட்டும் நிதியுதவியை ரூ.7 லட்சமாக உயா்த்தி வழங்கியுள்ளோம். மேலும், ஆதிதிராவிட மக்கள், பழங்குடியின மக்களுக்குக் கிராமப்புறங்களில் அடுக்குமாடி வீடுகள் கட்டிக் கொடுக்கவும் அரசு நடவடிக்கை எடுத்து வருகிறது என்றாா் முதல்வா் ரங்கசாமி.

சட்டப்பேரவைத் தலைவா் ஆா். செல்வம், எம்எல்ஏ.க்கள் ஆா். செந்தில்குமாா், கே.எஸ்.பி. ரமேஷ், அரசு ஆணையா் மற்றும் செயலா் ஏ. முத்தம்மா, துறையின் இயக்குநா் ஏ. இளங்கோவன் உள்ளிட்டோா் கலந்து கொண்டனா்.