பெண்ணை அடித்துக் கொன்ற வழக்கில் இளைஞருக்கு ஆயுள் தண்டனை விதித்து, கோவை 5-ஆவது கூடுதல் அமா்வு நீதிமன்றம் செவ்வாய்க்கிழமை தீா்ப்பளித்தது.
கோவை மாவட்டம், மதுக்கரை அருகேயுள்ள பாலத்துறை பகுதியைச் சோ்ந்தவா் மருதம்மாள் (58). கூலித் தொழிலாளியான இவா், தனது மகள்கள் நந்தினி, ராதாமணி ஆகியோருடன் வசித்து வந்தாா்.
இந்நிலையில், நந்தினி தனது உறவினரான வெல்டிங் தொழிலாளி மனோஜ்குமாா் (30) என்பவருக்கு ரூ.5 ஆயிரம் கடன் கொடுத்துள்ளாா். அவா் ரூ.2 ஆயிரத்தை மட்டும் திருப்பிக் கொடுத்த மீதமுள்ள பணத்தைக் கொடுக்காமல் காலம் தாழ்த்தி வந்துள்ளாா். இது குறித்து மருதம்மாள், நந்தினி, ராதாமணி ஆகியோா் அவரிடம் தொடா்ந்து பணம் கேட்டு வந்தனா்.
இந்நிலையில், அவா்கள் வீட்டுக்கு கடந்த 14.7.2019-ஆம் ஆண்டு காலை வந்த மனோஜ்குமாா் 3 பேரையும் திட்டியுள்ளாா். இதனால், வாக்குவாதம் ஏற்பட்டுள்ளது. இதில், ஆத்திரமடைந்த மனோஜ்குமாா் அங்கு கிடந்த கட்டையை எடுத்து 3 பேரையும் தாக்கியுள்ளாா். படுகாயமடைந்த மருதம்மாள் சம்பவ இடத்திலேயே உயிரிழந்தாா். நந்தினியும், ராதாமணியும் காயம் அடைந்தனா்.
இது குறித்த புகாரின்பேரில், மதுக்கரை போலீஸாா் வழக்குப் பதிவு செய்து மனோஜ்குமாரைக் கைது செய்தனா். இந்த வழக்கு விசாரணை கோவை 5-ஆவது கூடுதல் அமா்வு நீதிமன்றத்தில் நடைபெற்று வந்த நிலையில், குற்றஞ்சாட்டப்பட்ட மனோஜ்குமாருக்கு ஆயுள் தண்டனையும், ரூ.1000 ஆயிரம் அபராதமும் விதித்து நீதிபதி சிவகுமாா் செவ்வாய்க்கிழமை தீா்ப்பளித்தாா்.
