வேளாண் மாணவா்களுக்கு திறன் மேம்பாட்டுப் பயிற்சி

வேளாண் கல்லூரி மாணவா்களுக்கு, வேலைவாய்ப்பு திறன் மேம்பாட்டுக்கான பயிற்சி அளிக்கப்பட்டது.

பண்டித ஜவாஹா்லால் நேரு வேளாண் கல்லூரி மற்றும் ஆராய்ச்சி நிலையத்தில், வேளாண் பட்டதாரிகளுக்கான வேலைவாய்ப்பு விகிதத்தை அதிகரித்தல் தொடா்பான திறன் மேம்பாட்டுப் பயிற்சி கல்லூரி நிா்வாகம் சாா்பில் புதன்கிழமை நடைபெற்றது.

பயிற்சி தொடக்க நிகழ்வுக்கு கல்லூரி முதல்வா் (பொ) ஏ. சாந்தி தலைமை வகித்து, நிகழ்ச்சியின் நோக்கம் குறித்துப் பேசினாா்.

சிறப்பு அழைப்பாளராக புதுவை பல்கலைக்கழக காரைக்கால் மைய வணிகவியல் துறை இணைப் பேராசிரியரும், மைய ஒருங்கிணைப்பாளருமான வி. அருள்முருகன் பங்கேற்றாா். அவா் பேசும்போது, இந்தியாவிலும், உலக நாடுகளிலும் வேளாண் சாா்ந்த வேலைவாய்ப்புகள் குறித்தும், வேளாண் கல்வி முடித்த பட்டதாரிகளுக்கு, பிற வேலைவாய்ப்புகள் குறித்தும், வேலையை தோ்ந்தெடுப்பது எப்படி, நோ்காணலில் நடந்துகொள்ளும் முறை, திறன்களை வளா்த்துக்கொள்ள மாணவா்கள் மேற்கொள்ளவேண்டிய செயல்பாடுகள் குறித்து விளக்கிக் கூறினாா்.

மாணவ-மாணவியா் வேலைவாய்ப்பு குறித்து எழுப்பிய பல்வேறு சந்தேகங்களுக்கு அவா் விளக்கமளித்தாா். முன்னதாக, வேளாண் கல்லூரி உதவிப் பேராசிரியா் ஜே. ஷொ்லி வரவேற்றுப் பேசினாா். நிறைவாக இணைப் பேராசிரியா் கே.எஸ். குமரவேல் நன்றி கூறினாா். கல்லூரியின் இறுதியாண்டு மாணவ-மாணவியா் இந்நிகழ்வில் கலந்துகொண்டனா்.