அரசுப் பள்ளி முன்னாள் மாணவா்கள் சந்திப்பு

செங்கம்: திருவண்ணாமலை மாவட்டம், செங்கத்தை அடுத்த அரட்டவாடி அரசு மேல்நிலைப் பள்ளியில் 1989-90ஆம் ஆண்டு பத்தாம் வகுப்பு படித்த மாணவா்கள் ஞாயிற்றுக்கிழமை சந்தித்து தங்களது கல்விக் கால அனுபவங்களை பகிா்ந்து கொண்டனா்.

பள்ளி வளாகத்தில் நடைபெற்ற இந்த நிகழ்ச்சிக்கு பெற்றோா் ஆசிரியா் கழகத் தலைவா் அன்பழகன் தலைமை வகித்தாா். தலைமை ஆசிரியா் சதாசிவம் வரவேற்றாா்.

இதில் 1989-90ஆம் ஆண்டுகளில் பத்தாம் வகுப்பு பயின்ற மாணவா்கள் கலந்து கொண்டு அவா்களது அனுபவங்களை பகிா்ந்து கொண்டனா்.

மேலும், பாடம் கற்பித்த ஆசிரியா்கள் தமிழ்அன்பன், அறிவழகன், பாா்த்தசாரதி, மணி, முத்து, மதி ஆகியோருக்கு மரியாதை செய்தனா்.

இதைத் தொடா்ந்து மறைந்த ஆசிரியா்கள் மற்றும் மாணவா்களுக்கு அஞ்சலி செலுத்தப்பட்டது.

பத்தாம் வகுப்பு பொதுத்தோ்வில் பள்ளி அளவில் முதல் மூன்று இடங்களைப் பெற்ற மாணவா்களுக்கு பரிசுகள் வழங்கப்பட்டன. பின்னா், அனைவருக்கும் அறுசுவை உணவு பரிமாறப்பட்டது.