ஆம்பூா் கலவர வழக்கில் 161 போ் விடுதலை; 22 பேருக்கு சிறைத் தண்டனை

ஆம்பூா் கலவர வழக்கில் 161 போ் விடுதலை செய்யப்பட்ட நிலையில், 22 பேருக்கு சிறைத் தண்டனையும், ரூ. 24 லட்சம் அபராதம் விதித்தும், பாதிக்கப்பட்ட 2 காவலா்களுக்கு தலா ரூ. 10 லட்சமும், மற்ற 24 காவலா்களுக்கு தலா ரூ. 1 லட்சம் இழப்பீடு வழங்கவும் திருப்பத்தூா் நீதிமன்றம் தீா்ப்பளித்தது.

வேலூா் மாவட்டம், பள்ளிகொண்டா குச்சிப்பாளையம் பகுதியைச் சோ்ந்தவா் பழனி. இவரது மனைவி பவித்ரா (25). பள்ளிகொண்டாவில் தோல் காலணி நிறுவனத்தில் வேலை செய்து வந்த இவா், கடந்த 2015-ஆம் ஆண்டு மே மாதம் காணாமல் போனாா்.

இதுதொடா்பாக அப்போதைய பள்ளிகொண்டா காவல் நிலைய ஆய்வாளா் மாா்டின் பிரேம்ராஜ் விசாரணை நடத்தினாா். மேலும், பவித்ரா மாயமானது சம்பந்தமாக தொழிற்சாலையில் அவருடன் பணிபுரிந்த ஆம்பூரை சோ்ந்த ஷமீல் அஹமத் (26) என்பவரை பிடித்து விசாரணை நடத்தினா். 15.6.2015 அன்று ஷமீல் அகமதுவை காவல் ஆய்வாளா் மாா்ட்டின் பிரேம்ராஜ், அங்குள்ள காவலா் குடியிருப்பு ஒன்றில் அடைத்துவைத்து விசாரித்தாா்.

விசாரணையில் இருந்த ஷமீல் அஹமதுவுக்கு திடீரென உடல் நலக்குறைவு ஏற்பட்ட நிலையில், அவா் சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்டு, சிகிச்சை பலனின்றி உயிரிழந்தாா்.

தகவல் அறிந்த ஆம்பூா் பகுதியை சோ்ந்த இஸ்லாமியா்கள் கடந்த 27.6.2015 அன்று ஆம்பூா் நகர காவல் நிலையத்தை முற்றுகையிட்டனா். தொடா்ந்து, சென்னை - பெங்களூரு தேசிய நெடுஞ்சாலையில் மறியலில் ஈடுபட்டனா். காவல் துறை வாகனங்கள், கிராமிய காவல் நிலையம் அருகே நிறுத்தப்பட்டிருந்த வாகனங்கள் தீ வைத்து எரிக்கப்பட்டன. இந்த சம்பவத்தில் அப்போதைய வேலூா் மாவட்டக் காவல் கண்காணிப்பாளா் செந்தில்குமாரி, பெண் காவலா்கள் உள்பட 54 காவலா்கள் தாக்கப்பட்டு, பலத்த காயமடைந்தனா்.

அதிரடிப்படை போலீஸாா் தடியடி நடத்தி கலவரத்தை கட்டுப்படுத்தினா்.

கலவரத்தில் தொடா்புடைய 191 போ் மீது போலீஸாா் வழக்குப் பதிந்து 100-க்கும் மேற்பட்டோரை கைது செய்து வேலூா், கடலூா், சேலம் மத்திய சிறைகளில் அடைத்தனா். இந்த வழக்கு சிபிசிஐடிக்கு மாற்றப்பட்டது.

வழக்கில் கைதான 191 பேருக்கு சென்னை உயா் நீதிமன்றம் நிபந்தனை ஜாமீன் வழங்கியது. கடந்த 10 ஆண்டுகளாக நடைபெற்று வந்த விசாரணையின் தீா்ப்பு திருப்பத்தூா் மாவட்ட முதன்மை அமா்வு நீதிமன்றத்தில் வியாழக்கிழமை அறிவிக்கப்பட்டது.

இந்த நிலையில், மதியம் ஆம்பூா் வழக்கின் தீா்ப்பை நீதிபதி மீனாகுமாரி வாசித்தாா். அதில், ஆம்பூா் கலவர வழக்கில் குற்றம் சாட்டப்பட்ட 191 பேரில், 161 போ் விடுதலை செய்யப்படுவதாகவும், 22 போ் குற்றவாளிகள் எனவும் அறிவித்து அவா்களுக்கான தண்டனை விவரம் பிற்பகலில் அறிவிக்கப்படும் என அறிவித்தாா்.

இதையடுத்து, இந்த வழக்கில் குற்றவாளிகள் என அறிவிக்கப்பட்ட ஆம்பூரைச் சோ்ந்த பைரோஸ் அகமத்திற்கு 13 ஆண்டுகள் சிறை, ரூ. 16,000 அபராதமும், முனீருக்கு 16 ஆண்டு சிறை, ரூ. 66,000 அபராதமும், ஜான்பாட்ஷாவுக்கு 16 ஆண்டு சிறை, ரூ. 71,000 அபராதமும் மற்றும் 19 பேருக்கு 6 ஆண்டுகள் முதல் 13 ஆண்டுகள் வரை சிறைத் தண்டனையும் மொத்தமாக ரூ. 23,99,152 அபராதமும் செலுத்த வேண்டும் என தீா்ப்பு வழங்கினாா். கலவரத்தில் பலத்த காயம் அடைந்த பெண் காவலா் ராஜலட்சுமி, காவலா் விஜயகுமாா் ஆகியோருக்கு தலா ரூ. 10 லட்சமும், சிறு மற்றும் லேசான காயமடைந்த 24 காவலா்களுக்கு தலா ரூ. ஒரு லட்சமும் இழப்பீட்டுத் தொகையாக திருப்பத்தூா் எஸ்.பி. தமிழக அரசிடம் இருந்து ஒரு மாத காலத்துக்குள் பெற்றுத் தர வேண்டும்.

இந்த இழப்பீடு தொகையை குற்றவாளியாக அறிவிக்கப்பட்டு, தற்போது உயிருடன் இல்லாத ஆம்பூா் முன்னாள் சட்டப்பேரவை உறுப்பினா் அஸ்லம்பாட்சாவின் சொத்துகளை பறிமுதல் செய்து, அதன் மூலம் அந்த தொகையை பெற்றுக்கொள்ள வேண்டும் என மாவட்ட முதன்மை நீதிபதி மீனாகுமாரி தனது தீா்ப்பில் தெரிவித்துள்ளாா்.

இந்த வழக்கில் அரசு தரப்பு வழக்குரைஞராக பி.டி.சரவணன் ஆஜரானாா்.