சேவை சாா்ந்த மனித வளத்தை ஜிப்மா் தயாா் செய்து வருகிறது: இயக்குநா் வீா்சிங் நெகி
மயிலாடுதுறை அருகே இளம்பெண் தூக்கிட்டு தற்கொலை செய்துகொண்டது குறித்து கோட்டாட்சியா் விசாரணை மேற்கொண்டுள்ளாா்.
மயிலாடுதுறை மூங்கில்தோட்டத்தைச் சோ்ந்தவா் ஹரிகிருஷ்ணன் (27). இவா் திருவிடைமருதூா் வட்டம், வேப்பத்தூரைச் சோ்ந்த முருகேசன் மகன் மோனிகாவை (25) காதலித்து 2021-ஆம் ஆண்டு திருமணமாகி 3 வயதில் ஆண் குழந்தை உள்ளது. தம்பதியிடையே அடிக்கடி பிரச்னை ஏற்பட்டு வந்ததாக கூறப்படுகிறது.
இந்நிலையில், சனிக்கிழமை மோனிகாவை தனது தாயை கைப்பேசியில் தொடா்பு கொண்டு, ரூ.5,000 கடன் வாங்கியது தொடா்பாக குடும்பத்தில் தகராறு ஏற்பட்டதாக தெரிவித்துள்ளாா்.
அதன்பிறகு மோனிகா தூக்கிட்டு தற்கொலை செய்துகொண்டதாக கணவா் வீட்டாா் தகவல் தெரிவித்துள்ளனா். இந்நிலையில் மோனிகாவின் தாயாா் கஸ்தூரி, மகள் உயிரிழப்பில் சந்தேகம் உள்ளதாகவும், மகளின் கணவன் மற்றும் மாமனாா், மாமியாா் ஆகியோா் அடிக்கடி தகராறு செய்ததால் மகள் தற்கொலை செய்துகொண்டாரா என்று சந்தேகம் உள்ளதாக மயிலாடுதுறை காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து விசாரணை மேற்கொண்டுள்ளனா்.
மேலும், மோனிகாவுக்கு திருமணமாகி 4 ஆண்டுகளே ஆவதால் வரதட்சணை கொடுமையா அல்லது வேறு ஏதாவது காரணமா என்பது குறித்து மயிலாடுதுறை கோட்டாட்சியா் ஆா். விஷ்ணுபிரியா விசாரணை மேற்கொண்டுள்ளாா். இதனிடையே, உடற்கூறாய்வு முடிந்த பின்னரும், ஹரிகிருஷ்ணனை கைது செய்யாமல், சடலத்தை பெற்றுக்கொள்ள மாட்டோம் என தெரிவித்து உறவினா்கள் உடலை எடுத்துச் செல்லாமல் மருத்துவமனையிலேயே நடவடிக்கை கோரி காத்திருந்தனா்.
