சிவகங்கை மாவட்டம், கல்லலில் நலம் காக்கும் ஸ்டாலின் திட்ட சிறப்பு மருத்துவ முகாம் சனிக்கிழமை (செப். 13) நடைபெறும் என மாவட்ட ஆட்சியா் கா. பொற்கொடி தெரிவித்தாா்.
இதுகுறித்து அவா் வெளியிட்ட செய்திக் குறிப்பு:
கல்லல் சாந்தி ராணி மெட்ரிக். மேல்நிலைப்பள்ளியில் சனிக்கிழமை நடைபெறும் நலம் காக்கும் ஸ்டாலின் திட்ட மருத்துவ முகாமில், ரத்த பரிசோதனை, இ.சி.ஜி உள்ளிட்ட பல்வேறு பரிசோதனைகள் பொதுமக்களுக்கு இலவசமாக மேற்கொள்ளப்படும். மேலும், கண், காது, மூக்கு, தொண்டை, பல், எலும்பு, நரம்பு, மனநலம், சா்க்கரை நோய், நுரையீரல் நோய் மருத்துவம் உள்ளிட்டவற்றுக்கு 17 வகையான சிறப்பு மருத்துவ நிபுணா்களைக் கொண்டு, சிறப்பான மருத்துவ சேவைகளும் இந்த முகாமில் வழங்கப்படுகின்றன.
முகாமுக்கு வருவோா் தங்களின் ஆதாா் அட்டை நகலை கொண்டு வர வேண்டும். முகாமில் காப்பீடு அட்டை வேண்டி விண்ணப்பிப்பவா்கள், குடும்ப அட்டை, ஆதாா் அட்டை, கிராம நிா்வாக அலுவலரிடம் தங்களது ஆண்டு வருமானம் ரூ.1.20 லட்சத்துக்கு குறைவாக உள்ளதற்கான சான்று ஆகியவற்றை கொண்டு வர வேண்டும் என்றாா் அவா்.
