அரசுப்பள்ளி மாணவ, மாணவிகள் கல்லூரிகளை பாா்வையிடும் கல்லூரி களப்பயணம் நிகழ்வை வேலூா் ஆட்சியா் வி.ஆா்.சுப்புலட்சுமி தொடங்கி வைத்தாா்.
நான் முதல்வன் திட்டத்தின் கீழ் அரசுப் பள்ளிகளில் பிளஸ் 2 பயிலும் அனைத்து மாணவ, மாணவிகளுக்கும் உயா்கல்வியில் சோ்வதற்கான ஆா்வத்தை தூண்டும் வகையில் கல்லூரிகளை பாா்வையிடும் கல்லூரி களப்பயணம் நிகழ்வு வேலூா் ஊரீசு கல்லூரியில் நடைபெற்றது.
இதில், வேலூா் ஈ.வெ.இரா.நாகம்மை அரசு மகளிா் உயா்நிலைப் பள்ளியை சோ்ந்த 250 மாணவிகள் பங்கேற்றனா். இம்மாணவிகளுக்கு உயா்கல்வி படிப்பதன் முக்கியத்துவம் குறித்தும், கல்லூரி கல்வி குறித்தும் விரிவாக எடுத்துரைக்கப்பட்டது.
தொடா்ந்து, பள்ளி மாணவிகள் ஊரீசு கல்லூரியின் ஒவ்வொரு துறை சாா்ந்த வகுப்பறைகள், ஆய்வகங்கள், கல்லூரி வளாகத்தில் உள்ள இதர பிரிவுகளை பாா்வையிட்டனா்.
முன்னதாக, நிகழ்வை தொடங்கி வைத்து ஆட்சியா் வி.ஆா்.சுப்புலட்சுமி பேசியது -
பிளஸ் 2 பயிலும் அனைத்து மாணவா்களும் உயா்கல்வியில் சோ்வதற்கான ஆா்வத்தை தூண்டும் வகையில் அவரவா் விரும்பும் கல்லூரியை பாா்வையிட்டு விருப்பத்தை நிறைவு செய்யவும், , உயா்கல்வி சோ்க்கையை 100 சதவீதம் அடையவும் கல்லூரி களப்பயண நிகழ்ச்சி தொடங்கப்பட்டுள்ளது.
தொடா்ந்து, ஒவ்வொரு அரசுப் பள்ளி மாணவ, மாணவிகளுக்கு அவா்கள் பள்ளிகளுக்கு அருகே உள்ள அல்லது அவா்கள் விரும்பும் கல்லூரிக்கு அழைத்துச் சென்று உயா்கல்வி குறித்த விழிப்புணா்வு ஏற்படுத்தப்படும். தமிழக அரசு அனைத்து மாணவ, மாணவிகளும் பிளஸ் 2 முடித்தவுடன் கல்லூரி சேர வேண்டும் என்ற உயா்ந்த எண்ணத்துடன் செயல்பட்டு வருகிறது.
உயா் கல்வி ஒன்றுதான் நம் வாழ்க்கையை முன்னேற்றும். மனதில் ஒரு உத்வேகம் இருந்தால் எதையும் சாதிக்கலாம். அனைவரும் உயா் கல்லூரியில் சோ்ந்து என்ன படிக்கலாம் என்பதை அவா்களுக்கு எடுத்துச் சொல்லுங்கள். வேலூா் மாவட்டத்தில் நிகழ் கல்வியாண்டில் அனைவரும் பிளஸ் 2 தோ்வை நல்லமுறையில் எழுதி 100 சதவீதம் தோ்ச்சி பெற்ற மாவட்டமாக்க வேண்டும் என்றாா்.
நிகழ்ச்சியில், முதன்மைக் கல்வி அலுவலா் தயாளன், ஊரீசு கல்லூரி முதல்வா் ஆனிமேரி ஃப்ளாரன்ஸ், பேராசிரியா் திருமாறன், கல்லூரி பேராசிரியா்கள், மாணவ, மாணவிகள் பங்கேற்றனா்.
