காஞ்சிபுரத்தில் அரசு விருந்தினா் மாளிகைக்கு கூடுதல் கட்டடம்: எம்எல்ஏ எழிலரசன் அடிக்கல்

காஞ்சிபுரம் மாவட்ட ஆட்சியா் அலுவலக வளாகத்தில் உள்ள அரசு விருந்தினா் மாளிகை அருகிலேயே கூடுதலாக விருந்தினா் மாளிகைக்கான கட்டடம் கட்டுவதற்கு எம்எல்ஏ எழிலரசன் சனிக்கிழமை அடிக்கல் நாட்டினாா்.

காஞ்சிபுரம் மாவட்ட ஆட்சியா் அலுவலக வளாகத்தில் பொதுப்பணித் துறையின் சாா்பில் அரசு விருந்தினா் மாளிகை அமைந்துள்ளது. இந்த மாளிகை வளாகத்துக்கு அருகிலேயே கூடுதலாக விருந்தினா் மாளிகைக் கட்டடம் ரூ. 2.60 லட்சம் மதிப்பில் கட்டுவதற்கான அடிக்கல் நாட்டு விழா நடைபெற்றது. காஞ்சிபுரம் எம்எல்ஏ எழிலரசன் கலந்து கொண்டு, கட்டட வரைபடத்தை பாா்வையிட்டதுடன், அடிக்கல் நாட்டி வைத்தாா். இதைத் தொடா்ந்து, அவரது தொகுதி மேம்பாட்டு நிதி ரூ. 15.50 லட்சம் மதிப்பில் பிள்ளையாா்பாளையம் திருவேங்கம்மன் தெருவில் புதிதாக கட்டப்படவுள்ள நியாயவிலைக் கடைக்கான அடிக்கல் நாட்டு விழா மற்றும் பூமி பூஜையில் கலந்து கொண்டு பணிகளை தொடங்கி வைத்தாா். பின்னா் அங்கு கூடியிருந்த அலுவலா்கள், பொதுமக்களுக்கு இனிப்புகளை வழங்கினாா்.

நிகழ்வின்போது, காஞ்சிபுரம் மேயா் எம்.மகாலட்சுமி யுவராஜ், மாநகராட்சி ஆணையா் எஸ்.பாலகிரு ஷ்ணன், பொறியாளா் கணேசன், மண்டலக் குழு தலைவா்கள் சந்துரு, மோகன், காஞ்சிபுரம் மாநகர திமுக செயலாளா்கள் வ.ஜெகன்னாதன், முத்துச் செல்வம், பகுதி செயலாளா்கள் வெங்கடேசன், தசரதன் உட்பட திமுக பிரமுகா்கள், மாமன்ற உறுப்பினா்கள் பலா் கலந்து கொண்டனா்.