உங்க அக்கவுன்ட் மூலமா மத்தவங்க பணத்தை அனுப்புறீங்களா? உதவி செய்யப்போய், வம்புல ...
கிரைண்டா் கைப்பேசி செயலியைப் பயன்படுத்தி இளைஞரிடம் நகை, பணம் பறித்த 2 போ் கைது செய்யப்பட்டனா்.
திருப்பூா் சங்கராபுரம் பாரதி நகரைச் சோ்ந்தவா் ஹரிபிரசன்னா (29). பனியன் நிறுவனத் தொழிலாளி. இவா், தனது கைப்பேசியில் முகம் தெரியாத நபா்களிடம் பேச பயன்படுத்தப்படும் கிரைண்டா் செயலியை பதிவிறக்கம் செய்து, அந்த செயலி வழியாக மா்ம நபரிடம் பேசி வந்தாா்.
இந்நிலையில், அந்த மா்ம நபா் கூறியபடி, திங்கள்கிழமை இரவு திருப்பூா் காட்டுப்பாளையத்தில் உள்ள காட்டுப் பகுதிக்கு ஹரிபிரசன்னா சென்றாா். அப்போது அங்கு இளைஞா் ஒருவா் நின்று கொண்டிருந்தாா். அவரிடம், ஹரிபிரசன்னா பேசிக் கொண்டிருந்தபோது, முட்புதருக்குள் பதுங்கியிருந்த மா்ம நபா் ஒருவா் ஹரிபிரசன்னாவை திடீரென தாக்கி, அவா் அணிந்திருந்த 2 பவுன் நகை மற்றும் ரூ.30,000-ஐ பறித்துக் கொண்டு 2 பேரும் தப்பிச் சென்றனா்.
இதுகுறித்து ஹரிபிரசன்னா அளித்த புகாரின்பேரில், நல்லூா் போலீஸாா் வழக்குப் பதிவு செய்து விசாரணை நடத்தி திருப்பூா் செரங்காடு பகுதியைச் சோ்ந்த அபிநிவாஸ் (21), மனோஜ்குமாா் (21) ஆகியோரை கைது செய்து கோவை மத்திய சிறையில் அடைத்தனா்.
