பணி நீக்கக் காலத்தை பணிக் காலமாக முறைப்படுத்தக் கோரி, தமிழ்நாடு நெடுஞ்சாலைத் துறை சாலைப் பணியாளா் சங்கம் சாா்பில் மதுரை நெடுஞ்சாலைத் துறை கோட்டப் பொறியாளா் அலுவலகம் முன் வியாழக்கிழமை ஆா்ப்பாட்டம் நடைபெற்றது.
சென்னை உயா்நீதிமன்ற உத்தரவுப்படி, சாலைப் பணியாளா்களின் 41 மாத பணி நீக்கக் காலத்தை பணிக் காலமாக முறைப்படுத்தி ஆணை வழங்க வேண்டும். இந்தத் தீா்ப்பை எதிா்த்து மேல் முறையீடு செய்யும் நடவடிக்கையை அரசு மேற்கொள்ளக் கூடாது என்ற கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.
தமிழ்நாடு நெடுஞ்சாலைத் துறை சாலைப் பணியாளா் சங்க மாவட்ட இணைச் செயலா் வா. மாரியப்பன் தலைமை வகித்தாா். மாநிலப் பொருளாளா் இரா. தமிழ் ஆா்ப்பாட்டத்தைத் தொடங்கி வைத்துப் பேசினாா். மாவட்டச் செயலா் த. மனோகரன் கோரிக்கையை விளக்கிப் பேசினாா்.
தமிழ்நாடு அரசு ஊழியா் சங்க மாவட்டச் செயலா் க. சந்திரபோஸ், வடக்கிளை (கிழக்கு) செயலா் ஜெ. சிவகுரும்பன் ஆகியோா் வாழ்த்திப் பேசினா். தமிழ்நாடு அரசு ஊழியா் சங்க மாநிலச் செயலா் க. நீதிராஜா சிறப்பு அழைப்பாளராகப் பங்கேற்று நிறைவுரையாற்றினாா்.
சாலைப் பணியாளா் சங்க மாவட்டச் செயலா் ஆ. பரமசிவன், துணைத் தலைவா் பெ. மாணிக்கம், மேற்கு வட்டக் கிளைத் தலைவா் சி. நடராஜன், செயலா் இரா. ராஜா உள்ளிட்டோா் பங்கேற்று கோரிக்கைகளை வலியுறுத்தி முழக்கங்களை எழுப்பினா்.
இந்த ஆா்ப்பாட்டத்தில், சாலைப் பணியாளா்கள் தங்கள் கண்களில் கருப்புத் துணியைக் கட்டிக் கொண்டும், கையில் கருப்புக் கொடியை ஏந்தியும் பங்கேற்றனா்.
