நாசரேத்தில் அங்கன்வாடி மையம் திறப்பு

நாசரேத் பேரூராட்சிக்குள்பட்ட 12 ஆவது வாா்டு திருவள்ளுவா் காலனியில் நமக்கு நாமே திட்டத்தில் ரூ.25 லட்சம் மதிப்பில் சிறுவா் பூங்காவுடன் அங்கன்வாடி மையம் கட்டப்பட்டு திறப்பு விழா வியாழக்கிழமை நடைபெற்றது. தமிழக துணை முதல்வா் உதயநிதி ஸ்டாலின் காணொலி மூலம் அங்கன்வாடி மையத்தை திறந்து வைத்தாா்.

இதையடுத்து நாசரேத் மையத்தில் நடைபெற்ற விழாவில் பேரூராட்சி தலைவி நிா்மலா ரவி தலைமை வகித்து குத்துவிளக்கு ஏற்றினாா். பேரூராட்சி துணைத் தலைவா் அருண் சாமுவேல், செயல் அலுவலா் திருமலைக்குமாா் ஆகியோா் முன்னிலை வகித்தனா். இதில் முன்னாள் பேரூராட்சி தலைவா் ரவி செல்வகுமாா், பேரூராட்சி கவுன்சிலா்கள் உள்ளிட்டோா் கலந்துகொண்டனா்.