பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 28 லட்சத்து 89 ஆயிரத்திற்கு கொப்பரை விற்பனையானது.
பரமத்தி வேலூா் சுற்று வட்டாரப் பகுதிகளில் விளையும் தேங்காய்களை உடைத்து, அதை உலா்த்தி வியாழக்கிழமைதோறும் பரமத்தி வேலூா் வெங்கமேட்டில் உள்ள பரமத்தி வேலூா் மின்னணு தேசிய வேளாண்மை சந்தைக்கு விவசாயிகள் கொண்டுவருகின்றனா்.
இங்கு தரத்திற்கு ஏற்ப மறைமுக ஏலம் விடப்படுகிறது. கடந்த வியாழக்கிழமை நடைபெற்ற மின்னணு ஏலத்திற்கு 7 ஆயிரத்து 490 கிலோ கொப்பரை கொண்டுவரப்பட்டிருந்தது. இதில் அதிகபட்சமாக கிலோ ரூ. 213.99 க்கும், குறைந்தபட்சம் ரூ. 180.10 க்கும், சராசரியாக ரூ. 212.99 க்கும் ஏலம் போனது.
இரண்டாம் தர கொப்பரை அதிகபட்சமாக கிலோ ரூ.178.99க்கும், குறைந்தபட்சம் கிலோ ரூ.146.66- க்கும், சராசரியாக கிலோ ரூ.173.19க்கும் ஏலம் போனது. மொத்தம் ரூ.13 லட்சத்து 85 ஆயிரத்து 650-க்கு கொப்பரை ஏலம் போனது.
ஜூன் 12-ஆம் தேதி நடைபெற்ற ஏலத்திற்கு 13 ஆயிரத்து 504 கிலோ கொப்பரை கொண்டுவரப்பட்டிருந்தது. இதில் அதிகபட்சமாக கிலோ ரூ. 243க்கும், குறைந்தபட்சமாக ரூ. 220.99 க்கும், சராசரியாக ரூ.240க்கும் ஏலம் போனது. இரண்டாம் தர கொப்பரை அதிகபட்சமாக கிலோ ரூ. 219.19-க்கும், குறைந்தபட்சமாக கிலோ ரூ.160.10-க்கும், சராசரியாக கிலோ ரூ. 217.99 க்கும் ஏலம் போனது. மொத்தம் ரூ. 28 லட்சத்து 89 ஆயிரத்து 934க்கு கொப்பரை ஏலம் போனது.
